Redakshon
Kralendijk – Riba djaluna 12 di mei na Habitat a tuma lugá un seshon di informashon bon bishitá tokante partisipashon na Agroalimentaria 2025, e feria mas grandi di industria agríkola di region karibense.
Enidat Públiko Boneiru a organisá e seshon akí pa informá empresarionan i interesadonan for di e sektor di agrikultura, alimento, i importashon i eksportashon tokante e oportunidatnan ku e evento internashonal akí ta ofresé.
Diputado Clark Abraham a pone énfasis riba importansia di stimulashon ekonómiko pa Boneiru i a hasi un yamada riba e presentenan pa gara e oportunidat ku nan ta ofresé akí ku tur dos man: ‘Nos ke fortifiká nos ekonomia pa medio di duna nos hendenan akseso na konosementu, i na e diferente merkadonan i retnan. Agroalimentaria ta un platforma ekselente pa esaki.’
Entidat Públiko Boneiru ta pone un kompensashon di $1.500 disponibel pa kada empresa pa hasi partisipashon na e feria na Santo Domingo posibel.
Yamada pa registrashon rápido
Un biaha mas nos ta hasi un yamada riba empresarionan den e sektornan di agrikultura, alimento, vitamina, importashon di mata, material di empake òf nesesidatnan agríkola, pa registrá mas rápido posibel.
- Paga tinu: e kantidat di lugá ta limitá.
- Fecha mas tardá pa registrashon: djaweps 15 di mei 2025
- Registrá via e página wèp: https://bonairegov.com/agro2025
- Pregunta? Tuma kontakto ku e tim via agro@bonairegov.com
- Mas informashon tokante e bolsa: www.agroalimentaria.com.do
FUENTE: OLB/LIVE99FM
NEDERLANDS:
SUCCESVOLLE INFORMATIESESSIE BIJ HABITAT OVER DEELNAME AAN AGROALIMENTARIA 2025
Kralendijk – Op maandag 12 mei vond bij Habitat een goed bezochte informatiesessie plaats over deelname aan Agroalimentaria 2025, de grootste agro-industriebeurs van het Caribisch gebied.
De sessie werd georganiseerd door het Openbaar Lichaam Bonaire (OLB) om ondernemers en belangstellenden uit de landbouw-, voedsel- en import/exportsector te informeren over de kansen die dit internationale evenement biedt.
Gedeputeerde Clark Abraham benadrukte het belang van economische stimulering voor Bonaire en riep aanwezigen op om de geboden kans met beide handen aan te grijpen:
“Wij willen onze economie versterken door onze mensen toegang te geven tot kennis, markten en netwerken. Agroalimentaria is een uitstekend platform daarvoor.”
Het OLB stelt een vergoeding van $1.500 per bedrijf beschikbaar om deelname aan de beurs in Santo Domingo mogelijk te maken.
Oproep tot snelle registratie
Wij roepen ondernemers in de sectoren landbouw, voeding, vitaminen, import van planten, verpakkingsmaterialen of agrarische benodigdheden nogmaals op zich zo spoedig mogelijk te registreren.
- Let op: het aantal plekken is beperkt.
- Deadline voor registratie: donderdag 15 mei 2025
- Meld je aan via de webpagina: https://bonairegov.com/agro2025
- Vragen? Neem contact op met het team via agro@bonairegov.com
- Meer info over de beurs: www.agroalimentaria.com.do
GIPHY App Key not set. Please check settings