HABEMUS  PAPAM PAPA LEO XIV TA KARDINAL ROBERT FRANCIS PREVOST DI E ÒRDU AUGUSTIANO .

Kralendijk,- Papa Francisco tabata di e òrdu Jesuita.  Augustinus a nasé na Algeria, Afrika, i a forma un òrdu ku a bira; Ordu Augustiano. Augsustinus tabata Obispu di Hippo.

Regla di San Augustinus ta basá riba amor mará na Dios. Por lesa su reflekshonnan den entre otro Confessiones i De Civitate Dei. Papa nobo di Ordu Augustiano a skohe e nòmber Leo XIV ku ta signifikante ku ta nifiká ku e ta bai sigui e liña di Papa Leo XIII.di e famoso ensíklika Rerum Novarum ku ta e guia sosial di Iglesia Katóliko.

Ta tokante posishon di e klase trahadó.Ta enfatisá derecho riba propiedat partikular, solidaridat i supsiaridat. Propiedat ta un derecho, solidaridat ta di nos tur pa e  individuo i e individuo pa nos tur i supsiaridat ta inisiativa partikular i ayudo di komunidat si e parti sosial ta bou di demasiado eksigensia. Komo katóliko mi ta konfia den Papa Leo XIV ku e ta sigui ku modernisashon den liña di Papa Francisco.

Pa Bonaire Iglesia Katóliko lo ta obligá di enfatisá e parti sosial i apliká mas visibel solidaridat i supsiaridat i amor mará na Dios ku ta nifiká stima bo próhimo ku ta nifiká stima Dios. Sindikalistanan por haña inspirashon for di Rerum Novarum.

FUENTE: ARTHUR SEALY