DIPUTADO DEN HEYER TA HASI YAMADA SERIO PA TRESE TRANKILIDAT NA VMBO

Kralendijk – Gerensia di Komunidat di Skol Boneriano na inisio di e siman aki a informá Entidat Públiko Boneiru di un situashon di atenshon na departamento di vmbo.

T’asina ku e gerensia di skol a tuma e desishon pa retirá den forma inmediato e direktor di unidat vmbo for di su tareanan.

Esaki a trese hopi inkietut serka dosente, alumno i mayor, debí ku netamente e siman aki periodo di èksamen a kuminsá.

Inmediatamente ora a informá gobièrnu di e suseso, diputado di enseñansa sra. Nina den Heyer a tuma kontakto ku gerensia di skol i sindikato i a hasi un apelashon serio pa trese trankilidat bèk na e skol p’asina no perhudiká ningun alumno.

Gobièrnu ta spera ku ta resolvé e problema ku a surgi mas rápido ku ta posibel ya alumnonan por traha nan èksamen i pruebanan final den tur trankilidat.

Un skol seif kaminda ta reina hermandat i trankilidat ta bon pa un i tur.

Komo Entidat Públiko Boneiru nos ta deseá tur alumno hopi éksito durante e periodo di èksamen.

FUENTE: OLB/LIVE99FM

NEDERLANDS:

DIPUTADO DEN HEYER TA HASI YAMADA SERIO PA TRESE TRANKILIDAT NA VMBO

Kralendijk – Gerensia di Komunidat di Skol Boneriano na inisio di e siman aki a informá Entidat Públiko Boneiru di un situashon di atenshon na departamento di vmbo.

T’asina ku e gerensia di skol a tuma e desishon pa retirá den forma inmediato e direktor di unidat vmbo for di su tareanan.

Esaki a trese hopi inkietut serka dosente, alumno i mayor, debí ku netamente e siman aki periodo di èksamen a kuminsá.

Inmediatamente ora a informá gobièrnu di e suseso, diputado di enseñansa sra. Nina den Heyer a tuma kontakto ku gerensia di skol i sindikato i a hasi un apelashon serio pa trese trankilidat bèk na e skol p’asina no perhudiká ningun alumno.

Gobièrnu ta spera ku ta resolvé e problema ku a surgi mas rápido ku ta posibel ya alumnonan por traha nan èksamen i pruebanan final den tur trankilidat.

Un skol seif kaminda ta reina hermandat i trankilidat ta bon pa un i tur.

Komo Entidat Públiko Boneiru nos ta deseá tur alumno hopi éksito durante e periodo di èksamen.