OBRA TEATRAL INTERAKTIVO ‘STIMÁ I PROTEHÁ’ DI 12 PA 15 DI MEI NA KUATER DIFERENTE SITIO NA BONEIRU

Kralendijk,- Tei p’abo den kolaborashon ku Archell Thompson di DNA Storytellers ta organisá e obra teatral interaktivo “Stimá i protehá”, kaminda ta konta e historia di un hóben Boneriano ku ta hañ’é den un situashon insigur na kas. Temanan manera límite, protekshon i konfiansa ta sentral. E obra teatral ta grátis pa bishitá i ta tuma lugá di 12 te ku 15 di mei na kuater diferente sitio rònt Boneiru.

Durante di e obra teatral lo tin aktuashon di algun aktor den un situashon rekonosibel. Kiko bo ta hasi ora ku bo tin duda tokante kon ta tratá un hende? Kiko ta bo ròl komo un hende ku ta pará na banda? E storia ta trata temanan ku por ta delikado, manera seguridat seksual di hóben, i ta invitá pa un kòmbersashon habrí i ku rèspèt.

Despues di e obra teatral, partisipantenan lo traha aktivamente den gruponan chikitu . Lo hasi pregunta, kòmbersá ku otro i skucha diferente perspektiva, pa asina krea espasio pa konsientisashon i ideanan nobo. E ambiente i guia seif  durante di e obra teatral ta garantisá ku kada mucha por partisipá na su propio manera.

E obra teatral ta destiná pa tiner i adulto i ta tuma lugá riba:

• 12 di mei: Sentro di Bario Tera Kòrá di 6:30 di atardi te 9:00or di anochi
• 13 di mei: Sentro di Bario Amboina di 6:30 di atardi te 9:00or di anochi
• 14 di mei: Sentro di Bario Nikiboko di 6:30 di atardi te 9:00or di anochi
• 15 di mei: Rincon (Kaya Lourdes 10) di 6:30 di atardi te 9:00or di anochi

Inskribi grátis via WhatsApp: +599 7700344

Tene kuenta: e kantidat di lugá pa kada lokalidat ta limitá i e edat mínimo ta 12 aña.

Tokante Tei p’abo
Tei p’abo ta un un kolaborashon entre organisashonnan di asistensia na Boneiru ku tin komo meta paoumentá konsientisashon i hasi violensia doméstiko i maltrato di mucha tópiko di diálogo. E inisiativa ta parti di e Akuerdo di Gobernashon ‘Aanpak huiselijk geweld en kindermishandeling Caribisch Nederland’, i ta sostené pa entre otro Sentro Akseso Boneiru, Kuido i Hubentut Hulanda Karibense, Mental Health Caribbean, Stichting Reclassering, OLB i Voogdijraad.

FUENTE: RCN/LIVE99FM

NEDERLANDS:

INTERACTIEVE PAPIAMENTSTALIGE THEATERVOORSTELLING ‘STIMÁ I PROTEHÁ’ VAN 12 T/M 15 MEI OP VIER LOCATIES OP BONAIRE

Kralendijk,- tei p’abo organiseert in samenwerking met Archell Thompson van DNA Storytellers de interactieve theatervoorstelling in het Papiaments “Stimá i protehá”, waarin het verhaal wordt verteld van een Boneriaanse jongere die te maken krijgt met een onveilige thuissituatie.

Thema’s zoals grenzen, bescherming en vertrouwen staan centraal. De voorstelling is gratis te bezoeken en vindt van 12 t/m 15 mei plaats op vier locaties verspreid over Bonaire.

Tijdens de voorstelling wordt een herkenbare situatie nagespeeld door acteurs. Wat doe je als je twijfels hebt over hoe iemand wordt behandeld? Wat is je rol als omstander? Het verhaal raakt aan thema’s die gevoelig kunnen liggen, zoals seksuele veiligheid van jongeren, en nodigt uit tot een open en respectvol gesprek.

Na het toneelspel gaan deelnemers in kleine groepen actief aan de slag. Door vragen te stellen, met elkaar in gesprek te gaan en verschillende perspectieven te horen, ontstaat ruimte voor bewustwording en nieuwe inzichten. De veilige setting en begeleiding tijdens de voorstelling zorgen ervoor dat iedereen op zijn of haar manier kan meedoen.

De voorstelling is bedoeld voor tieners én volwassenen en vindt plaats op:

• 12 mei: Sentro di Bario Tera Kora van 18:30 – 21:00
• 13 mei: Sentro di Bario Amboina van 18:30 – 21:00
• 14 mei: Sentro di Bario Nikiboko van 18:30 – 21:00
• 15 mei: Rincon (Kaya Lourdes 10) van 18:30 – 21:00

Meld je gratis aan via WhatsApp: +599 7700344

Let op: het aantal plekken per locatie is beperkt. Minimumleeftijd is 12 jaar.

Over tei p’abo
tei p’abo is een samenwerking tussen hulpverleningsorganisaties op Bonaire dat zich richt op het vergroten van bewustwording en het bespreekbaar maken van huiselijk geweld en kindermishandeling. Het initiatief is onderdeel van het Bestuursakkoord aanpak huiselijk geweld en kindermishandeling Caribisch Nederland, en wordt gedragen door o.a. Sentro Akseso Boneiru, Zorg en Jeugd Caribisch Nederland, Mental Health Caribbean, Stichting Reclassering, OLB en de Voogdijraad.

---