REAKSHON DI BONHATA RIBA INFORMENAN TOKANTE GARANTIA DI AVIASHON I MERKADEO DI TURISMO

Kralendijk,- Relashoná ku informenan resiente den medionan di komunikashon tokante posibel retirada di kompanianan di aviashon for di Boneiru, BONHATA ta konsiderá ku ta di gran importansia pa proveé públiko i trahadónan di maneho ku e konteksto korekto rònt di e areglonan di garantia eksistente i resiente pa kompanianan di aviashon ku ta bin Boneiru.

Dikon garantia di aviashon ta nesesario

Pa su alkansabilidat Boneiru ta dependé kompletamente di aviashon. Atraé i mantené buelonan internashonal pa un destinashon chikitu manera Boneiru ta kostoso i yen di riesgo pa kompanianan di aviashon.

Den desaroyo di aviashon internashonal, i partikularmente kaminda e destinashon ta un isla ku eskala di grandura limitá manera Boneiru, hopi biaha un garantia di entrada mínimo ta e úniko método faktibel pa realisá konekshonnan aéreo nobo, duradero i pagabel.

Pa e motibu akí den kaso di rutanan nobo, hopi biaha nan ta pidi pa un asina yamá Minimum Revenue Guarantee – MRG: un garantia di entrada mínimo. Si e entrada  resultá mas abou ku a palabrá, e ora ei ta parti e pèrdida entre e kompania di aviashon i esun ku ta para garantia – den e kaso akí Entidat Públiko Boneiru i parsialmente sektor privá tambe.

Ta importante pa remarká ku garantia di stul ta un medida temporal. E meta final ta ku e ruta riba término ta bira rèndabel den un forma independiente, sin sosten finansiero.

Kon e proseso di garantia ta funshoná?

Na nòmber di Boneiru, TCB ta hiba kòmbersashon ku kompanianan di aviashon. Pero solamente gobièrnu por duna garantia formalmente. Pa esaki aprobashon i kobertura presupuestario di parti di Entidat Públiko Boneiru ta nesesario. Pues: TCB ta negoshá i drenta den kòmbersashon ku kompanianan di aviashon, pero e ratifikashon i pago den kaso di un eventual défisit ta keda serka gobièrnu. Esaki ta lógiko tambe, mirando ku konservashon di konekshonnan aéreo tin un importansia stratégiko pa henter ekonomia di Boneiru. Esaki ta eksigí toma di desishon kla, stipulashon hurídiko i reservashon na tempu di rekurso – loke ta rekerí koutela, pero tambe rapides i klaridat.

Sin merkadeo no tin pasahero

Un garantia ta funshoná solamente ora tin sufisiente demanda pa e buelo. Pa e motibu akí un konekshon aéreo nobo semper mester ta kompañá pa kampañanan dirigí di merkadeo. Nan ta nesesario pa hasi biaheronan konsiente di e ruta i pa promové Boneiru komo destinashon.

Te ku awor apénas a hasi uso di merkadeo pa e rutanan pa kua a primintí miónes na garantia na kompanianan di aviashon manera WestJet, United i JetBlue. Sin sufisiente promoshon e stulnan ta keda bashí i mester pagá kasi henter e suma di garantia. Ku esaki medionan públiko ta bai pèrdí, miéntras ku netamente por hasi uso di nan pa merkadeo pa realisá un ‘return on investment – ROI’ (un rendimentu riba invershon) mas haltu.

Kolaborashon ta rekerí konfiabilidat

Kolaborashon ta funshoná solamente ora kumpli ku palabrashonnan hasí. Si gobièrnu a duna garantia na kompanianan di aviashon, mester respetá esakinan tambe. Mester paga kuentanan habrí na tempu.

Konfiansa ta e base pa kada kolaborashon duradero. Na momentu ku no kumpli ku palabrashon, esaki ta mina e konfiansa di partnernan di aviashon i Boneiru su kredibilidat komo destinashon serio.

E sektor ta hasi su parti kaba

Sektor turístiko pa hopi aña kaba ta kumpli ku merkadeo. Tur aña BONHATA su miembronan ta invertí, tur kos kontá huntu, mas ku tres mion dòler na vários kampaña i bolsa internashonal – solamente riba merkado merikano kaba. Banda di esaki den sierto kasonan e sektor a kontribuí finansieramente tambe na diferente garantia pa sigurá konekshonnan aéreo importante.

Esaki ta konsiderabelmente mas tantu ku e presupuesto ku TCB (Tourism Corporation Bonaire) ta risibí via e asina yamá ‘zorgcontract. Remarkabel ta ku pa aña 2025 te ku awe ainda no a firma e zorgcontract akí – miéntras ku entretantu nos ta den luna di aprel. E kontrato akí mester tabata firmá pa mas tardá den luna di desèmber 2024 pa hasi planifikashon i ehekushon na tempu posibel.

Empresarionan por promové nan propio produkto òf servisio, pero no henter e isla komo totalidat. E responsabilidat pa merkadeo di destinashon, pa e marka “Boneiru” i pa maneho di aviashon ta serka gobièrnu i TCB. Sin un strategia sentral – pa un parti okashoná debí na e skarsedat finansiero serka TCB – e promoshon ta keda fragmentá i nos isla ta keda sin un profil rekonosibel i fuerte den eksterior.

Sin direkshon i sin guia ku e enfoke nesesario, Boneiru ta pèrdè su visibilidat riba merkado internashonal. I sin visibilidat no tin demanda. Sin demanda no tin buelo. Si no tin buelo, esaki ta nifiká: no tin turismo, no tin entrada i no tin empleo.

Yamada na gobièrnu

Nos ta hasi un yamada riba Entidat Públiko Boneiru pa traha huntu ku e sektor riba:

• un maneho klar i konfiabel pa desaroyo di aviashon i garantia;
• invershon struktural den merkadeo di destinashon via TCB;
• i un aserkamentu konhunto pa promoshon, edifikashon di marka i desaroyo di produkto.

Asina só nos por mantené Boneiru internashonalmente kompetitivo i ekonómikamente resiliente.

FUENTE: BONHATA/LIVE99FM

NEDERLANDS:

REACTIE BONHATA OP BERICHTGEVING OVER LUCHTVAARTGARANTIES EN TOERISMEMARKETING

Kralendijk,- Naar aanleiding van recente berichtgeving in de media over de mogelijke terugtrekking van luchtvaartmaatschappijen uit Bonaire, acht BONHATA het van groot belang om het publiek en beleidsmakers van de juiste context te voorzien rondom de bestaande en recente garantieregelingen voor luchtvaartmaatschappijen die Bonaire aandoen.

Waarom luchtvaartgaranties nodig zijn

Bonaire is voor zijn bereikbaarheid volledig afhankelijk van luchtvaart. Het aantrekken of behouden van internationale vluchten naar een kleine bestemming als Bonaire is kostbaar en risicovol voor luchtvaartmaatschappijen.

In de internationale luchtvaartontwikkeling, en met name voor eilandbestemmingen met beperkte schaalgrootte zoals Bonaire, is een MRG vaak de enige werkbare methode om nieuwe, langdurige en betaalbare luchtverbindingen tot stand te brengen.

Daarom vragen zij bij nieuwe routes vaak om een zogenoemde Minimum Revenue Guarantee (MRG): een garantie op minimale inkomsten. Als de opbrengsten lager uitvallen dan afgesproken, wordt het verlies gedeeld tussen de luchtvaartmaatschappij en de garantsteller – in dit geval het Openbaar Lichaam Bonaire (OLB) en deels ook de private sector.

Het is belangrijk op te merken dat stoel garanties een tijdelijke maatregel zijn. Het uiteindelijke doel is dat de route op termijn zelfstandig rendabel wordt zonder financiële ondersteuning.

Hoe werkt het proces van garanties?

TCB voert namens Bonaire gesprekken met luchtvaartmaatschappijen. Maar alleen de overheid kan formeel garanties afgeven. Daarvoor is goedkeuring en budgettaire dekking vanuit het OLB noodzakelijk.

Dus: TCB onderhandelt en gaat gesprekken aan met luchtvaartmaatschappijen, maar de daadwerkelijke bekrachtiging en betaling bij een eventueel tekort ligt bij de overheid. Dit is ook logisch, aangezien het behoud van luchtverbindingen een strategisch belang heeft voor de hele economie van Bonaire.

Dit vereist heldere besluitvorming, juridische vastlegging en tijdige reservering van middelen – iets wat zorgvuldigheid vraagt, maar ook snelheid en duidelijkheid.

Zonder marketing geen passagiers

Een garantie werkt alleen als er voldoende vraag naar de vlucht is. Daarom moet een nieuwe luchtverbinding altijd gepaard gaan met gerichte marketingcampagnes. Die zijn nodig om reizigers bewust te maken van de route en Bonaire als bestemming te promoten.

Tot nu toe is er nauwelijks marketing ingezet voor de routes waarvoor miljoenen aan garanties zijn toegezegd aan luchtvaartmaatschappijen zoals WestJet, United en JetBlue. Zonder voldoende promotie blijven stoelen leeg en moet bijna het volledige garantiebedrag worden betaald. Publieke middelen die daarmee verloren gaan, terwijl die juist effectief ingezet kan worden voor marketing om een hogere return on investment (ROI) te realiseren.

Samenwerking vereist betrouwbaarheid

Samenwerking werkt alleen als gemaakte afspraken worden nagekomen. Als de overheid garanties heeft afgegeven aan luchtvaartmaatschappijen, moeten deze ook worden gerespecteerd. Openstaande rekeningen moeten tijdig worden betaald.

Vertrouwen is de basis voor elke duurzame samenwerking. Als afspraken niet worden nagekomen, ondermijnt dat het vertrouwen van luchtvaartpartners én de geloofwaardigheid van Bonaire als serieuze bestemming.

De sector doet al haar deel

De toeristische sector draagt al jaren bij aan marketing. BONHATA’s leden investeren bij elkaar opgeteld jaarlijks meer dan drie miljoen dollar in campagnes en internationale beurzen – alleen al in de Amerikaanse markt. Daarnaast heeft de sector in sommige gevallen ook financieel bijgedragen aan garanties om belangrijke vliegverbindingen veilig te stellen.

Dat is aanzienlijk meer dan het budget dat TCB (Tourism Corporation Bonaire) ontvangt via het zogenoemde ‘zorgcontract’. Opvallend is dat dit zorgcontract voor 2025 tot op heden nog altijd niet is ondertekend – terwijl we inmiddels in april zitten. Dit contract had uiterlijk in december 2024 ondertekend moeten zijn om tijdige planning en uitvoering mogelijk te maken.

Ondernemers kunnen hun eigen product of dienst promoten, maar niet het eiland als geheel.

De verantwoordelijkheid voor destinatiemarketing, het merk “Bonaire” en het luchtvaartbeleid ligt bij de overheid en TCB. Zonder een centrale strategie – mede veroorzaakt door financiële tekorten bij TCB – blijft de promotie versnipperd en mist het eiland een herkenbaar en krachtig profiel in het buitenland.

Zonder regie en gerichte aansturing verliest Bonaire zichtbaarheid op de internationale markt. En zonder zichtbaarheid is er geen vraag. Geen vraag betekent geen vluchten. Geen vluchten betekent: geen toerisme, geen inkomsten en geen werkgelegenheid.

Oproep aan de overheid

Wij roepen het Openbaar Lichaam Bonaire op om samen met de sector te werken aan:

• een helder en betrouwbaar beleid voor luchtvaartontwikkeling en garanties;
• structurele investering in destinatiemarketing via TCB;
• en een gezamenlijke aanpak voor promotie, merkopbouw en productontwikkeling.

Alleen dan kunnen we Bonaire internationaal concurrerend en economisch weerbaar houden.