FREE BONAIRE

Kralendijk,- Tin algun ekspreshon manera; stima Bonaire, traha huntu, koperashon, nos mes por, impuesto den nos man, OTB di nos no BBT, eliminá  tantu CFT, funshon di Representante di Reino komo esun di Gezaghèber, representante di Bonaire na Den Haag.

Banda e puntonan aki ta tira falta riba Hulanda. Mi suposishon kuidadoso ta ku ta krea un situashon pa pinta Hulanda malu pa yega na kambio di struktura estatal sin konsultá ku pueblo. E status nobo pa 2031 mester ta e siguiente: Konseho Insular ta bira Parlamentu ku 15 miembro ku su presidente skohé, Kolegio Ehekutivo ta bira gobièrnu bou di guia di minister presidènt ku shete minister, na puesto di gezaghèber tin gobernador, representante di Bonaire ta minister plenipotensiario.

Areglo di Estado no Wolbes, Kontrolaria General nada di Finbes, Bonaire ta haña propio Banko Sentral, Propio Prokurador General, Bonaire no ta OLB pero País Bonaire ku ministerio. Nos lo haña Gabinete Abraham II ( ya Bonaire tin gabinete Abraham I). Aruba, Bonaire, Kòrsou i Sint Maarten ta forma Union Karibense (UK) ku Saba i Statia miembronan asosiá. Organisashon nobo: Parlamentu UK ku kada tres luna ta reuní na un di e islanan,  Komishon Uk, Konseho UK i Konseho di UK, Banko sentral UK, un Korte di hustisia UK i kada isla tin su propio korte di hustisia. Konseho Insular ya ta trahando den e direkshon aki ku su MoU, bishita na Minister Presidènt di Sint Maarten i na minister demisionario di Aruba I sin eskrúpolo bisa sekretario di estado ku e ta hiba un polítika kolonial. DP no mester di M21 ni frakshon Vrolijk “Bonaire Free at last”

FUENTE: ARTHUR SEALY/LIVE99FM