ENTIDAT PÚBLIKO BONEIRU TA KONTRADESÍ INFORME INKOREKTO TOKANTE TERENO I PROSESO DI EMISHON.

Kralendijk – E siman akí a sali un artíkulo den vários medio di komunikashon i medio sosial, den kua nan ta hasi alegashonnan inkorekto tokante propiedat i uso di e tereno rònt di e Magasina di Rei na Amboina.

Entidat Públiko Boneiru ta duna balor na transparensia i pa e motibu akí ke trese e echonan korekto bou di atenshon.

Propiedat di e tereno

Den e artíkulo nan ta alegá ku e tereno en kestion for di aña 1986 ta riba nòmber di Fundashon Adonai. Esaki no ta korekto. Na luna di yanüari 2015 a informá Fundashon Adonai por eskrito ku ta anulá hür di e tereno ku efekto inmediato. E tempu ei no a hasi opheshon kontra e desishon akí. For di e tempu ei a emití i akordá vários konseho interno relashoná ku emishon di e parsela. Relashoná ku esaki na aña 2022 Entidat Públiko Boneiru a otorgá un otro parsela komo kompensashon pa anulashon di e tereno en kestion.

Proseso públiko i transparente

Banda di esaki e artíkulo ta kontené e alegashon ku Entidat Públiko Boneiru a tene e proseso rònt di emishon di e tereno sekreto. Esaki tampoko no ta korekto. Dia 14 di novèmber 2024 Entidat Públiko Boneiru a anunsiá públikamente ku tin intenshon pa emití e tereno na benefisio di e proyekto ‘Nos Bario’. Un proyekto ku ta aportá na un impulso pa kuido di hende grandi i konservashon di patrimonio na Boneiru. A ehekutá esaki konforme e eksigensianan di e aresto Didam, kaminda tur interesado a haña oportunidat pa dentro di 20 dia entamá un kaso sumario. Sinembargo no a entregá ningun opheshon kontra e inisiativa akí.

A publiká e anunsio akí dia 15 di novèmber 2024 den vários medio di komunikashon i tambe riba wèpsait di Live99FM i Bonaire.nu.

Kuadronan legal i aktuashon konforme lei

E tereno tokante kua a publiká, ta propiedat di Entidat Públiko Boneiru. Entidat Públiko Boneiru no a hasi ningun akto kontra lei i na un manera korekto i transparente a pasa den e prosedura, ku vários anunsio públiko. Tantu e tereno komo e edifisio, ku aktualmente nan ta hasi uso ilegal di nan, ta pertenesé na Entidat Públiko Boneiru.

Entidat Públiko Boneiru ta enfatisá ku den pasado tabatin vários kòmbersashon, den kua a indiká bon kla ku mester bandoná tantu e tereno komo e Magasina di Rei. Sinembargo te ku awe ainda nan ta hasi uso ilegal di esakinan.

Akusashonnan inkorekto

Finalmente Entidat Públiko Boneiru ta lamentá ku den e artíkulo tin kestion di intenshonalmente papia malu di un kolega pa medio di akusashonnan infundá.

E tipo di ekspreshonnan ei por tin konsekuensia personal grandi i Entidat Públiko Boneiru ta konsiderá esakinan komo inapropiá.

Entidat Públiko Boneiru ta sigui komprometé su mes pa un komunikashon transparente i honesto i lo sigui kumpli ku proseduranan i legislashon vigente.  

FUENTE: OLB/LIVE99FM

NEDERLANDS:

OLB WEERLEGT ONJUISTE BERICHTGEVING OVER TERREIN EN UITGIFTEPROCES

Kralendijk -Deze week is er een artikel verschenen op Live99FM, zowel op Facebook als op hun website, waarin onjuiste beweringen worden gedaan over de eigendom en het gebruik van een terrein.

Het Openbaar Lichaam Bonaire (OLB) hecht waarde aan transparantie en wil daarom de juiste feiten onder de aandacht brengen.

Eigendom van het terrein

In het artikel wordt beweerd dat het terrein in kwestie sinds 1986 op naam staat van Stichting Adonai. Dit is onjuist. In januari 2015 is Stichting Adonai schriftelijk geïnformeerd dat de huur van het terrein per direct werd ingetrokken. Er is destijds geen bezwaar ingediend tegen deze beslissing. Sindsdien zijn er meerdere interne adviezen uitgebracht en geaccordeerd met betrekking tot de uitgifte van het perceel. In 2022 heeft mevrouw Bernabela bovendien een huurovereenkomst ondertekend voor een ander perceel als compensatie.

Openbaar en transparant proces

Daarnaast bevat het artikel de bewering dat het OLB het proces rondom de uitgifte van het terrein geheim heeft gehouden. Dit is eveneens onjuist. Op 14 november 2024 heeft het OLB publiekelijk bekendgemaakt dat het voornemen bestond om het terrein uit te geven ten behoeve van Nos Bario. Dit is volgens de vereisten van het Didam-arrest uitgevoerd, waarbij alle belanghebbenden de mogelijkheid hadden om binnen 20 dagen een kortgeding aanhangig te maken. Noch mevrouw Bernabela, noch Stichting Adonai heeft hier gebruik van gemaakt of bezwaar ingediend. Bovendien is de aankondiging op 15 november 2024 gepubliceerd op zowel de website van Live99FM als Bonaire.nu, wat de bewering dat er sprake was van geheimhouding tegenspreekt.

Wettelijke kaders en rechtmatig handelen

Het terrein waarover wordt bericht, is eigendom van het OLB. Het OLB heeft geen onrechtmatige handelingen verricht en heeft de procedure op een correcte en transparante wijze doorlopen, met meerdere publieke bekendmakingen. Zowel het terrein als de bebouwing, waarvan momenteel onrechtmatig gebruik wordt gemaakt, behoren toe aan het OLB.

Het OLB benadrukt dat er in het verleden meerdere gesprekken zijn gevoerd waarin duidelijk is aangegeven dat zowel het terrein als de Magasina di Rei verlaten dient te worden. Tot op heden wordt er echter nog steeds onrechtmatig gebruik van gemaakt.

Onterechte beschuldigingen

Tot slot betreurt het OLB dat er in het artikel sprake is van het moedwillig zwartmaken van een collega door middel van ongefundeerde beschuldigingen. Dergelijke uitlatingen kunnen grote persoonlijke gevolgen hebben en worden door het OLB als ongepast beschouwd.

Het OLB blijft zich inzetten voor een transparante en eerlijke communicatie met de gemeenschap en zal zich blijven houden aan de geldende procedures en wetgeving.