GOBIERNU DI BONEIRU I R&O TA DEN PROSESO PA WÒRDU DEMANDÁ.

Kralendijk –  Gobiernu a laga rosa skondi i pone pènchi meimei di e tereno pa pueblo no mira, I forsa Stichting Adonai pa move.

Mester aktua den bista di pueblo si bo ta hasiendo algu korekto. E tereno ta riba nòmber di Stichting Adonai for di aña 1986, kual ta 39 aña. Pero no a manda niun karta pa Stichting Adonai inikando ku ta bai rosa i pone pènchi. Ta pone òrdu si’n pèrmit di Stichting Adonai i di e persona ku ta riba e tereno. Gobiernu ta bayendo hopi leu ku derecho humano. Ta asina ta yega aktua awor ku terenonan riba Boneiru?

Riba 4 di mart 2025 R&O “Jerry Domacasse” a laga rosa riba tereno di Stichting Adonai. Pa aklara esaki na Jerry Domacasse I na gobiernu di Boneiru, e tereno aki ta priva pa algun aña kaba i no ta di gobiernu di Boneiru mas manera tin pone den boso dokuementunan falsu. E tereno ta karga lei internashonal di United Nation.

Priva serka gobiernu?
No, niun tereno no mester warda pa gobiernu hasi’e priva di e persona. Bo por hasi esaki bo mes. Gobiernu I Ruimtelijk & Ontwikkeling Bonaire ta simplemente un kompania huntu ku su departamentunan ku ta dirigí pueblo, i spanta bo ku KPCN. Pero no ku nan ta doño di tereno na Boneiru. Tur dokumento di tereno ku OLB hasi ta invalido. (No tuma akshon bo mes si bo no sa kiko bo tin ku hasi)

Personanan ku tin dokumento di gobiernu i ku ta bou di lei di gobiernu so gobiernu por dirigí. Kual den e kaso aki e tereno aki a wòrdu registra bou di Supreme Court i ta karga lei di internashonal (United Nation). Esey ta nifika ku for di momentu ku bo registra algu riba lei internashonal gobiernu no por hunga doño mas riba dje i mester move imidiatamente. Paso e ta proteha bou di lei internashonal i un Supreme Court. Lei di gobiernu no tin balor i tambe e ta falsu, i no ta wòrdu rekonose na United Nation. (SLAVERY ACT 2015)

Esaki ta un lès pa R&O paso mundu ta kambiando i no ta tur hende ta keda den e kerensia ku ta gobiernu ta doño di tereno.

Pa sa mas di e tereno, mi a manda dokumento na Openbaar ministerie, Openbaar Lichaam Bonaire I tambe kopia pa Ruimtelijk & Ontwikkeling Bonaire pa un atvertensia. I pueblo por lesa esaki tambe publikamente.

Stichting Adonai no a duna niun pèrmit pa rosa ni pa tuma akshon riba su tereno.

Si no stòp ku e prome atvertensia aki ku ta publikamente i personalmente manda. Supreme Court lo tuma akshon, i multa di but lo presenta pa Openbaar Lichaam Bonaire, tambe pa kompania ku ta rosando e tereno. Si laga traha fundeshi riba e tereno.. multa di but lo presenta pa e kompania di konstrukshon, doño di e edifisio tambe lo risibi un multa di plaka na but pa huza lei invalido kontra lei internashonal pa traha edifisio riba tereno di Stichting Adonai kual ta un persona priva. Openbaar ministerie sa bon bon kiko ta lei internashonal i kiko ta Supreme Court.

Nos ta sigui vigila e situashon aki!

FUENTE: STICHTING ADONAI/LIVE99FM