DIA DI RINCON TA NA KAMINDA.

Kralendijk,- Komishon Herensia Kultural Rincon ke informa pueblo di Boneiru ku dia di Rincon, e manifestashon kultural, ta na kaminda.

A hasi esaki pa medio di un video informativo ku tur hende por mira riba e pagina di Facebook: Dia di Rincon Pagina Ofisial. Pa keda na altura di tur e desaroyonan en konekshon ku dia di Rincon por “like” i sigui e pagina aki.

E luna kultural lo kuminsa ofisialmente ku Sendementu di Mecha dia 29 di mart. Siguí pa mas evento durante e luna di aprel, e luna di kultura, pa yega na e dia tan espera, dia 30 di aprel, dia di Rincon. Lo tin diferente demostrashonnan di antes, un kaya di arte, i kuminda i bebidanan tradishonal na benta den e kayanan di Rincon.

Pa por partisipa i engrandese e dia di Rincon por registra riba e website ofisial di Herensia Kultural Rincon, www.diadirincon.org. Registrashon pa sitio di stent lo habri e di dos siman di mart.

Si tin kualke pregunta, sugerensia, of konseho, por manda esakinan libramente na e email ofisial di Komishon Herensia Kultural Rincon, info@diadirincon.org.

Tur hende ta invita pa bini Rincon dia 30 di aprel, pa huntu nos disfruta di e kultura di Rincon. Dia 30 di aprel ta den Rincon bo mester ta!

FUENTE: KOMISHON HERENSIA KULTURAL RINCON/LIVE99FM

ENGELS:

RINCON DAY IS ON IT’S WAY

Kralendijk,- Komishon Herensia Kultural Rincon would like to inform the people of Bonaire that Rincon Day, the cultural manifastetion, is on it’s way.

This was done through an informative video that can be found on the Facebook page:  Dia di Rincon Pagina Ofisial. To stay up to date with all the developments related to Rincon Day like and follow this page.

The cultural month will officially commence with the Lighting of the Match on the 29th of March. Followed by more events throughout the month of April, the month of culture, to get to the long-awaited day, the 30th of April, Rincon Day. There will be different demonstrations of the past, an art street, and traditional food and beverages being sold in the streets of Rincon.

To participate in and grow the Rincon Day you can register on the official Herensia Kultural Rincon website, www.diadirincon.org. registration opens for the stand locations the second week of March.

If there are any questions, suggestions or advice, feel free to send these to the official email of Komishon Herensia Kultural Rincon, info@diadirincon.org.

Everyone is invited to come to Rincon on the 30th of April, to enjoy the culture of Rincon together. On the 30th of April Rincon is the place to be!