KOLEGIO EHEKUTIVO TIN INTENSHON DI TUMA MEDIDA ATMINISTRATIVO KONTRA SELIBON SELIBON MESTER RESTABLESÉ SU OBLIGASHON DI KUIDO NA LANDFIL LAGUN DENTRO DI 4 SIMAN 

Kralendijk – Direktorado di Supervishon i Mantenshon di Lei a anunsiá na nòmber di Kolegio Ehekutivo di Boneiru ku nan tin intenshon di tuma medida atministrativo kontra Servisio di Limpiesa Boneiru (SELIBON) si nan no restablesé nan obligashondi kuido  na Lèntfel Lagun promé ku 1 di aprel binidero.

SELIBON tin e responsabilidat pa paga e kandelanan (bou di tera) i tuma tur e medidanan nesesario pa prevení ku nan no ta bolbe lanta òf ku ta surgi otro kandela. Banda di esaki SELIBON mester tapa e parti di Lèntfel Lagun ku no ta den uso mas, pa evitá kontaminashon di suela i e awa den suela. Si nan no kumpli ku esaki den e término indiká, Kolegio Ehekutivo pa medio di un medida atministrativo lo tuma e trabou over i laga hasi esaki riba gastu di SELIBON.

Kandela na Lèntfel Lagun 

Pa basta tempu tin kandela (bou di tera) na Lèntfel Lagun. SELIBON tin un obligashon di kuido legal pa hasi tur loke ta posibel pa evitá molèster i daño na otro hende ku nan aktividatnan. Pa e motibu akí Direktorado di Supervishon i Mantenshon di Lei a manda un karta pa SELIBON indikando ku si den kuater siman nan no kumpli ku e obligashon di kuido aki, lo tuma medida atministrativo kontra nan.

Obligashon di Kuido 

For di vários inspekshon di Direktorado di Supervishon i Mantenshon di Lei a resultá ku SELIBON aktualmente no ta kumpli ku su obligashon di kuido. Nan no tin un plan pa kombatí i prevení kandela, ni un plan operashonal ku ta garantisá maneho sostenibel di shushi i protekshon di salubridat públiko, naturalesa i medio ambiente.

Medida Atministrativo 

Na momentu ku konstatá violashon di lei, Kolegio Ehekutivo ta outorisá pa tuma e medidanan atministrativo nesesario pa obligá e violadó di lei pa tuma e akshonnan korektivo nesesario. Kolegio Ekehutivo por imponé un multa of tuma un medida atministrativo direkto kontra e violadó di lei. 

Den tur dos kaso, Kolegio Ehekutivo mester manda un notifikashon por eskrito promé pa e violadó di lei, inkluso un término pa stòp ku e violashon. Si e violadó di lei no kumpli dentro di e término indiká ku e obligashonnan legal, Kolegio Ehekutivo mes ta tuma e akshonnan korektivo nesesario i e gastunan lo ta pa kuenta di e violadó di lei.

Anulashon di e tumamentu di tarea over (Indeplaatsstelling) 

Dia 15 di novèmber último, Representante di Reino a imponé un tumamentu di tarea over, e asina yamá ‘Indeplaatsstelling’, riba Kolegio Ehekutivo tokante ‘Permiso, Supervishon i Mantenshon di Lei na Lèntfel Lagun’, ku a resultá den traspaso temporal di e kompetensianan pa tuma e medidanan menshoná akí riba pa e Representante di Reino.

Sinembargo, durante e periodo di tumamentu di tarea over, o sea e ‘Indeplaatstelling’, e Representante di Reino no a tuma ningun medida pa restablesé e defisiensianan eksistente menshoná akí riba, loke a kondusí na retraso signifikante.

Ku e veredikto resien di hues pa anulá e tumamentu over di tarea (Indeplaatsstelling), e kompetensianan a bini bèk serka Kolegio Ehekutivo. Di e manera akí sin ningun opstrukshon por kontinuá ku e trayektonan di mantenshon di lei ku a kuminsá anteriormente kuné i awor ta tumando e pasonan nesesario pa atendé na un manera desidido ku e problemanan na Lèntfel Lagun. 

FUENTE: OLB/LIVE99FM

NEDERLANDS:

BC VOORNEMENS TOT BESTUURSDWANG OP SELIBON SELIBON DIENT BINNEN 4 WEKEN ZIJN ZORGPLICHT TE STORTPLAATS LAGUN TE HERSTELLEN 

Kralendijk – Directie Toezicht en Handhaving heeft namens het bestuurscollege van Bonaire de Servisio di Limpiesa Bonaire (SELIBON) aangekondigd voornemens te zijn over te gaan tot het opleggen van een bestuursdwang, indien zij hun zorgplicht te Stortplaats Lagun niet voor 1 april aanstaande hebben hersteld. 

SELIBON moet zorgdragen dat de (ondergrondse) branden worden geblust en al het nodige doen om te voorkomen dat deze weer oplaaien of nieuwe branden ontstaan. Daarnaast moet Selibon ook de stortplaats op Lagun delen dat niet meer in gebruik zijn hebben afgedekt ter voorkomen verontreiniging van de bodem en het grondwater. Ook geldt dat, als zij het niet binnen de gestelde termijn voldoen, het Bestuurscollege door middel van bestuursdwang de werkzaamheden zal overnemen en deze ten laste van SELIBON zal laten uitvoeren. 

Branden bij stortplaats Lagun 
Al geruime tijd woeden er (ondergrondse) branden op Stortplaats Lagun. SELIBON heeft de wettelijke zorgplicht om al het mogelijke te doen om overlast en schade aan derden bij haar activiteiten te voorkomen. De directie Toezicht en Handhaving heeft SELIBON daarom in een brief laten weten voornemens te zijn bestuursdwang op te leggen indien binnen vier weken niet wordt voldaan aan deze zorgplicht. 

Zorgplicht 
Uit meerdere controles door de directie Toezicht en Handhaving is gebleken dat SELIBON momenteel niet aan haar zorgplicht voldoet. Zo beschikt zij niet over een brandbestrijding- en preventieplan, noch over een operationeel plan waarmee duurzaam afvalbeheer en de bescherming van volksgezondheid, natuur en milieu voldoende kan worden gewaarborgd. 

Bestuursdwang 
Bij het constateren van overtredingen is het Bestuurscollege bevoegd om de nodige bestuurlijke maatregelen te nemen om de overtreder te bewegen de nodige herstelmaatregelen te treffen. Zo kan het Bestuurscollege een last onder dwangsom of een last onder bestuursdwang aan een overtreder opleggen. 

Bij beide maatregelen stelt het Bestuurscollege de overtreder eerst schriftelijk op de hoogte van het voornemen om een last op te leggen, inclusief een termijn om de overtreding te beëindigen. Als de overtreder binnen die termijn niet aan de wettelijke verplichtingen voldoet, neemt het Bestuurscollege zelf de noodzakelijke herstelmaatregelen ten laste van de overtreder. 

Vernietiging indeplaatsstelling  
Op 15 november jl. heeft de Rijksvertegenwoordiger een Indeplaatsstelling opgelegd aan het Bestuurscollege inzake ‘Vergunningen, Toezicht en Handhaving te Stortplaats Lagun, waardoor de bevoegdheden voor het nemen van de bovengenoemde maatregelen tijdelijk naar de Rijksvertegenwoordiger zijn overgegaan. 

Gedurende de periode van de Indeplaatsstelling zijn er door de Rijksvertegenwoordiger echter geen maatregelen genomen om de bovengenoemde bestaande gebreken te herstellen, wat heeft geleid tot de nodige vertraging. 

Met de recente uitspraak van de rechter, die het besluit tot Indeplaatsstelling vernietigt, keren de bevoegdheden weer terug naar het Bestuurscollege. Hierdoor kunnen de eerder ingezette handhavingstrajecten onverminderd worden voortgezet en worden de nodige stappen nu genomen om de problemen bij Stortplaats Lagun daadkrachtig aan te pakken.