CATCH 22.

Kralendijk,- Despues di elekshon na mart 2023 por a traha koalishon DP/MPB, sin M21, UPB/DP ku òf sin M21. E resultado a bira MPB/UPB a base di gobernashon ta kontinuashon.

Shete luna despues konsehal Vrolijk a forma un otro koalishon ku M21 I DP. Te awe no por mira ni programa ni influensia di e Konsehal ku a bòltu kashaka pa adelanto di Bonaire.

E motivashon di konsehal Vrolijk a krea dos storia; unu di disgustu i traishon I un otro di alegria pa e partidonan ku a yega na poder. Konsehal Vrolijk tin solamente tres luna, no warda te desèmber 2026, pa hasi un investigashon si e ta sigui den polítika hasiendo e pregunta ku M21 òf DP lo apresiá pa e ta kandidato riba un di e listanan pa elekshon di mart 2027.

E ora ei konsehal Vrolijk lo bin komprondé Jeruzalem di polítika i bira “Sitting Duck” ku ta víktima di su akshon. M21 I DP I nan siguidónan ta kontentu ku konsehal Vrolijk su desishon pero un rekompensa pa ta riba un di nan lista e por wèl lubidá.

Lo ta un sunchi di Hudas pa nan yega na poder. Tambe por kompará ku Brutus ku a mata Caesar pa yega na poder.Konsehal Vrolijk tin ku realisá ku e ta den un situashon konosí komo Catch 22.

FUENTE: ARTHUR SEALY/LIVE99FM