IMPULSO ÈKSTRA PA ENSEÑANSA TÉKNIKO NA HULANDA KARIBENSE!

Bon notisia pa enseñansa tékniko na SGB i nos skolnan ruman na Sint-Eustatius i Saba! Danki na un impulso finansiero nobo, nos por sigui invertí durante e próksimo añanan den un enseñansa tékniko fuerte i orientá riba futuro pa nos studiantenan.

Komo komunidat eskolar den Hulanda Karibense, nos ta enfrenta retonan úniko. Na Boneiru nos ta traha ku e sistema di enseñansa Hulandes, mientrastantu na Saba i Sint-Eustatius e sistema na Ingles; Caribbean Vocational Qualification (CVQ) ta den uso. Esaki ta pidi solushon kreativo i adaptá pa por ofresé tur nos studiantenan un enseñansa tékniko amplio i relevante.

“Nos ke pa mas hóben deskubrí e oportunidatnan ku téknika por duna,” Elton Johnson, gerente di  programa STO, ta bisa. “Na SGB i na Saba, hopi studiante ya konosé enseñansa tékniko kaba. Pero e mayoria di mayornan i e komunidat ainda no tin un bista kompleto di e bon oportunidatnan di karera ku bo por haña ora bo skohe pa un profeshon tékniko. Na Sint-Eustatius, nos ta pone enfoke spesial riba kibra e stereotipo den enseñansa tékniko.”

Loke ta hasi nos skolnan na Hulanda Karibense fuerte, ta nos ambishon, nos resilensia i nos kolaborashon estrecho ku empresanan, gobièrnu i nos komunidat. Durante un siman di trabou konhunto na Sint-Eustatius i Saba, nos a traha huntu riba e base di un vishon kompartí i tambe seis punto esensial:

1. Un programa tékniko ku ta konektá ku e merkado laboral i edukashon profeshonal i sientífiko ku ta kambia konstantemente.
2. Integrashon di enseñansa tékniko den e kuríkulo mas amplio.
3. Sufisiente lugánan di práktika ku ta kumpli ku e sertifikashon di ROA-CN.
4. Personal di enseñansa tékniko sufisiente i bon kapasitá.
5. Mas rekonosementu i apresio pa enseñansa tékniko entre studiante, mayornan i e komunidat.
6. Kolaborashon mas fuerte entre e islanan i ku empresanan lokal i instansianan gubernamental.

Elton Johnson: “Nos ke prepará nos studiantenan di e mihó manera posibel pa un futuro kaminda teknologia ta hunga un ròl kada biaha mas importante. Danki na e finansiamentu nobo akí, nos por sigui fortalesé enseñansa tékniko, hasi ku mas studiante ta skohe pa profeshon tékniko ku ta bon pagá i asina nos ta traha huntu riba un futuro sostenibel pa nos studiantenan i pa Boneiru.

FUENTE:SGB/LIVE99FM

NEDERLANDS:

EXTRA IMPULS VOOR TECHNIEKONDERWIJS CARIBISCH NEDERLAND!

Goed nieuws voor het techniekonderwijs op de SGB en onze collega-scholen op Sint-Eustatius en Saba! Dankzij een nieuwe financiële impuls kunnen we de komende jaren verder investeren in sterk en toekomstgericht techniekonderwijs voor onze leerlingen.

Als scholengemeenschap in Caribisch Nederland kennen we unieke uitdagingen. We werken op Bonaire met het Nederlands onderwijssysteem, terwijl op Saba en Sint-Eustatius het Engelstalige Caribbean Vocational Qualification (CVQ) wordt gebruikt. Dit vraagt om creatieve en passende oplossingen om al onze leerlingen een breed en relevant technisch aanbod te bieden.

“We willen dat meer jongeren de kansen van techniek ontdekken,” zegt Elton Johnson, programmamanager STO. “Bij de SGB en op Saba is techniekonderwijs al bekend bij veel leerlingen. Ouders en de gemeenschap hebben nog niet altijd een volledig beeld van de goede carrièremogelijkheden als je kiest voor techniek. Op Sint-Eustatius zetten we extra in op het doorbreken van stereotypen  binnen techniekonderwijs.”

Wat ons als scholen in Caribisch Nederland sterk maakt, is onze ambitie, veerkracht en nauwe samenwerking met bedrijven, overheden en onze gemeenschap. Tijdens een gezamenlijke werkweek op Sint-Eustatius en Saba hebben we samen de basis gelegd voor een gedeelde visie en zes belangrijke speerpunten:

1. Een techniekprogramma dat aansluit op de steeds veranderende arbeidsmarkt en vervolgopleidingen.
2. Techniek geïntegreerd in het bredere curriculum.
3. Voldoende stageplekken die voldoen aan de ROA-CN-certificering.
4. Goed opgeleid en voldoende technisch onderwijspersoneel.
5. Meer bekendheid en waardering voor techniekonderwijs onder leerlingen, ouders en de samenleving.
6. Sterkere samenwerking tussen de eilanden en met lokale bedrijven en overheidsinstanties.

Elton Johnson: “We willen onze leerlingen optimaal voorbereiden op een toekomst waarin technologie een steeds grotere rol speelt. Dankzij deze nieuwe financiering kunnen we techniekonderwijs verder versterken, kiezen er meer leerlingen voor goedbetaalde technische beroepen en bouwen we zo samen aan een duurzame toekomst voor onze leerlingen en voor Bonaire.”