in

ALERTA NA MIEMBRONAN DI ABVO DEN SERVISIO NA OLB:    “NO FIRMA NINGUN KOMBENIO PA RETIRO BOLUNTARIO”

\Kralendijk,- Direktiva di ABVO-Boneiru a keda aserká pa diferente miembro den servisio na OLB, ku prekupashonnan relashoná ku prosesonan den kuadro di reorganisashon na nan servisio.

Aparentemente ta aserkando trahadonan di forma individual, pa entrevistanan relashoná ku kambio di funshon ku ta afektá nan posishon hurídiko i den algun kaso asta terminashon di nan relashon di trabou.

Tin indikashon ku e prosesonan aki ta tumando lugá na entre otro “Directie Toezicht en Handhaving”. Tin prekupashon tambe serka algun trahadó na “Griffie di Eilandsraad”.

Den e proseso aki e trahadonan konserní ta keda aserká pa destituí nan di nan funshon i den sierto kasonan ofresé nan pa firma kombenionan pa disolvé nan relashon di trabou ku OLB di forma boluntario. E aserkamentu aki ta bai kompletamente kontra di e spiritu di e Organo legal di Konsulta na nivel di OLB den sektor públiko (DOB).

Direktiva di ABVO-Boneiru ta enfatitisá, ku den e Organo legal di Konsulta na nivel di OLB, den kua pa lei mester tin konsulta i kombenio ku sindikato tokante asuntunan ku ta regardá kambionan den struktura di organisashon di e aparato públiko òf konstelashon di e funshonnan den kada Direktorado, NO a diskutí ni tampoko a yega na ningun kombenío tokante prosesonan di reorganisashon na kualke Direktorado.  

PA TIPO DI PROSESONAN AKI MESTER TIN KONSULTA I KONSERTASHON, MIENTRAS KU MESTER APLIKÁ E STATUTO SOSIAL ESTABLESÉ.

Pa tal motibu ABVO-Boneiru ta urgi tur miembro empleá na OLB, pa NO firma ningun kombenio relashoná ku sea modifikashon di funshon òf terminashon di relashon di trabou. Na momentu ku bo keda aserká, notifiká ABVO i presentá bo kaso, pa esaki por keda evaluá i risibí e konsehonan i akshonnan apropiá.

FUENTE: ABVO/LIVE99FM

What do you think?

Written by Redakshon

Leave a Reply

Your email address will not be published. Required fields are marked *

GIPHY App Key not set. Please check settings

KÒRSOU: MADURO & CURIEL’S BANK TA ANUNSIÁ KAMBIO DEN SU HUNTA DI MANEHO

KÒRSOU: DETENSHON DEN INVESTIGASHON NAN JAQUE, BOREALIS I KAUS.