KOLEGIO EHEKUTIVO TA SERA KONOSÍ KU MINISTER DAVID VAN WEEL.

Kralendijk – Riba djaluna 13 di yanüari Kolegio Ehekutivo di Boneiru den su totalidat a sera konosí ku e minister di Hustisia i Siguridat, David van Weel.

E siman akí e minister huntu ku su delegashon ta hasi un bishita di trabou na Boneiru. Su bishita ta den signo di sera konosí ku gobièrnu di nos isla i vários otro instansia, manera Ministerio Públiko, Kuerpo Polisial Hulanda Karibense (KPCN), Instituto Hudisial Hulanda Karibense (JICN) i e Sentro Regional di Informashon i Ekspertisio Hulanda Karibense (RIEC CN).

E seramentu di konosí ku e minister a brinda oportunidat na Kolegio Ehekutivo pa pone puntonan ku ta urgente riba agènda ora ta trata di nos legislashon i regulashon lokal. Asuntunan ku nan a papia tokante di dje ta entre otro e echo ku no tin un Lei pa Promoshon di Evaluashon di Integridat di parti di Atministrashon Públiko (Wet Bevordering Integriteitsbeoordelingen door het Openbaar Bestuur –   Bibob) i tampoko un But Atministrativo ku ta parti di mantenshon di lei den Derecho Atministrativo.

Esakinan ta leinan ku sigur ta nesesario pa por salbaguardiá bon gobernashon. Boneiru kada biaha ta bira mas atraktivo pa e asina yamá labamentu di plaka: ehekushon di transakshonnan finansiero ku e meta pa skonde e orígen ilegal di plaka òf di otro asuntunan.

Esaki ta konsekuensia tambe di e kresementu di aktividatnan ekonómiko den e último añanan. I naturalmentu por usa e sektor inmóbil tambe bon pa esaki. Kombatimentu di práktika di labamentu di plaka ta algu ku e Kolegio Ehekutivo akí tin haltu riba agènda.

Tambe un biaha mas Kolegio Ehekutivo a ekspresá e deseo pa mas rápido posibel ratifiká e Tratado di Istanbul pa Boneiru, Saba i Sint Eustatius.

E tratado akí ta pone eksigensia pa loke ta trata atendementu ku violensia (doméstiko) kontra hende muhé i mucha muhé i for di aña 2016 e ta vigente na Hulanda. Tantu e ministerio di Hustisia i Siguridat komo e ministerio di Salubridat Públiko, Bienestar i Deporte ainda mester tuma e akshonnan nesesario pa hasi posibel pa e tratado akí bira vigente akí tambe.

A papia tambe tokante desaroyo di e Family Justice Center i un konbenio pa skol seif, kaminda kolaborashon ku Kuerpo Polisial Hulanda Karibense ta esensial.

Kolegio Ehekutivo a eksperensiá e kòmbersashon pa sera konosí komo positivo i tin e deseo pa kontinuá ku e kolaborashon.

FUENTE: OLB/LIVE99FM

NEDERLANDS:

HET BESTUURSCOLLEGE MAAKT KENNIS MET MINISTER DAVID VAN WEEL

Kralendijk – Het voltallige Bestuurscollege van Bonaire heeft op maandag 13 januari kennisgemaakt met de minister van Justitie & Veiligheid, David van Weel.

De minister is deze week met zijn delegatie op werkbezoek op Bonaire. Zijn bezoek staat in het teken van een kennismaking met het eilandbestuur en diverse instanties zoals het Openbaar Ministerie, het Korps Politie Caribisch Nederland (KPCN), de Justitiële Inrichting Caribisch Nederland en de het Regionaal Informatie en Expertise Centrum Caribisch Nederland.

De kennismaking met de minister gaf tevens een gelegenheid aan het Bestuurscollege om punten te agenderen die urgent zijn als het gaat om onze lokale wet- en regelgeving. Besproken zaken zijn onder andere het ontbreken van de Wet Bevordering Integriteitsbeoordelingen door het Openbaar Bestuur (Bibob) en de Bestuurlijke Boete, onderdeel van de handhaving in het Bestuursrecht.

Wetten die zeker noodzakelijk zijn om goed bestuur te kunnen waarborgen. Bonaire wordt steeds aantrekkelijker voor het zogenaamde witwassen: het uitvoeren van financiële transacties met als doel om de illegale oorsprong van geld of andere zaken te maskeren.

Dit komt mede door de groei van de economische activiteiten in de laatste jaren. En ook vastgoed leent zich daar natuurlijk goed voor. Het kunnen tegengaan van witwas-praktijken is iets wat dit Bestuurscollege hoog op de agenda heeft staan.

Ook is nogmaals de wens van het Bestuurscollege geuit om het verdrag van Istanbul zo snel mogelijk te ratificeren voor Bonaire, Saba en Sint Eustatius.

Dit verdrag stelt eisen aan de aanpak van (huiselijk) geweld tegen vrouwen en meisjes en is sinds 2016 vigerend in Nederland. Zowel de ministerie van J&V alsook VWS dienen nog de nodige acties te ondernemen om mogelijk te maken dat dit verdrag ook hier gaat gelden.

Tevens is gesproken over de ontwikkeling van de Family Justice Center en een convenant veilige scholen waarin de samenwerking met KPCN essentieel is.

Het Bestuurscollege heeft het kennismakingsgesprek als positief ervaren en ziet uit naar een verdere samenwerking.