ENKUENTRO TOKANTE REINTRODUKSHON DI EDUKASHON DI SUIDADANIA DOR DI GREFI/EPB

Kralendijk,- Djárason 6 di novèmber a tuma lugá un reunion na kua representantenan di prensa, lidernan di skol, dosentenan i koleganan di Entidat Públiko Boneiru (EPB) a bini huntu pa risibi un presentashon tokante reintrodukshon di edukashon di suidadania.

E inisiativa akí, ku a keda desaroyá den kolaborashon estrecho ku ProDemos, BZK i OCW, tin komo meta pa fortalesé e fundeshinan di demokrasia i krea konsientisashon bou di studiantenan na Hulanda Karibense, ku atenshon spesífiko pa Boneiru, Saba i Sint Eustatius.

Un Programa pa Edukashon na Hulanda Karibense

E programa di edukashon síviko ta enfoká na promé instante riba e pilar di ‘demokrasia’ i ta desaroyá pa tantu edukashon primario komo sekundario. Meta di e programa akí ta pa siña alumnonan tokante e funshonamentu di prosesonan demokrátiko, e balor di partisipashon i e importansia di sivismo aktivo denter di un sosiedat diverso. Dor di enbolbí nan den e tópikonan akí na un edat hóben, ta stimulá nan pa pensa krítikamente tokante nan ròl komo siudadano den futuro. E diferente wega i aktividat nan ta adaptá pa uso na e islanan  ta bin na tres diferente idioma. E plan ta pa kuminsá un proyekto piloto na vários skol na yanüari 2025, pa despues sigui ku lansamentu di e proyekto kompletu den e siguiente aña eskolar.

Yamada na koleganan di EPB

Pa por implementá e programa optimalmente, a hasi un petishon na e koleganan di EPB pa fungi komo guia i sostenedó di e proyekto. E envolvimentu akí ta esensial pa garantisá ku e programa ta korespondé ku e konteksto lokal i e nesesidatnan spesífiko di e komunidatnan insular.

E importansia di Edukashon di suidadania

No por pone sufisiente énfasis riba e importansia di edukashon di suidadania. E ta kontribuí na formashon di siudadanonan informá, responsabel i enbolbí.

Pa regionnan manera Boneiru, Saba i Sint Eustatius, kaminda identidat lokal i konekshon ku Hulanda ta bini huntu, e programa akí ta ofresé e oportunidat pa prepará e siguiente generashon pa nan ròl den sosiedat. E ta yuda nan komprondé kon prinsipionan demokrátiko ta funshoná den práktika i ta promové partisipashon, koheshon i komprenshon mutuo denter di e komunidat.

E kolaborashon entre EPB, ProDemos, OCW i BZK ta krea un programa ku no solamente ta oumentá e konosementu akadémiko di alumnonan, pero tambe ta ofresé nan e abilidatnan pa kontribuí komo partisipantenan aktivo, na un sosiedat vigoroso i demokrátiko. E introdukshon di e programa akí ta un paso importante pa fortalesé responsabilidat síviko i pa oumentá e sentido di pertenensia i partisipashon bou di e hóbennan na Hulanda Karibense.

FUENTE: KONSEHO INSULAR DI BONAIRE/LIVE99FM

NEDERLANDS:

BIJEENKOMST OVER HERINTRODUCTIE BURGERSCHAPSONDERWIJS DOOR GRIFFIE/OLB

Kralendijk,- Op woensdag 6 november vond een bijeenkomst plaats, waarbij vertegenwoordigers van de pers, schoolleiders, docenten en begeleiders van het Openbaar Lichaam Bonaire (OLB) samenkwamen om een presentatie over de herintroductie van burgerschapsonderwijs te krijgen.

Dit initiatief, dat in nauwe samenwerking met ProDemos, BZK en OCW is ontwikkeld, heeft tot doel de fundamenten van democratie te versterken en bewustzijn te creëren onder leerlingen in het Caribisch Nederland, met specifieke aandacht voor Bonaire, Saba en Sint Eustatius.

Een Programma voor het Onderwijs in het Caribisch Nederland

Het  burgerschapsonderwijsprogramma richt zich in eerste instantie op de pijler ‘democratie’, en is ontwikkeld voor zowel het basis- als het voortgezet onderwijs. Dit programma heeft als doel leerlingen te leren over de werking van democratische processen, de waarde van participatie en het belang van actief burgerschap binnen een diverse samenleving. Door hen op jonge leeftijd te betrekken bij deze onderwerpen, worden zij gestimuleerd om kritisch na te denken over hun rol als toekomstige burgers. De verschilende spellen en activiteiten zijn special geadapteerd voor de eilanden. Het plan is om in januari 2025 een pilot te starten op verschillende scholen, waarna een volledige uitrol in het volgende schooljaar plaats zal vinden.

Oproep aan de OLB colegas

Om het programma optimaal te implementeren, is er een verzoek uitgegaan naar colegas van het OLB om als begeleiders en ondersteuners van het project op te treden. Deze betrokkenheid is essentieel om ervoor te zorgen dat het programma aansluit bij de lokale context en de specifieke behoeften van de eilandgemeenschappen.

Het Belang van Burgerschapsonderwijs

Het belang van burgerschapsonderwijs kan niet genoeg worden benadrukt. Het draagt bij aan het vormen van geïnformeerde, verantwoordelijke en betrokken burgers. Voor regio’s zoals Bonaire, Saba en Sint Eustatius, waar lokale identiteit en verbondenheid met Nederland samenkomen, biedt dit programma de mogelijkheid om de volgende generatie voor te bereiden op hun rol in de maatschappij.

Het helpt hen te begrijpen hoe democratische principes in de praktijk werken en bevordert participatie, cohesie en wederzijds begrip binnen de gemeenschap.

Door de samenwerking tussen OLB, ProDemos, OCW en BZK komt er een programma tot stand dat niet alleen de academische kennis van leerlingen vergroot, maar hen ook de vaardigheden biedt om als actieve deelnemers bij te dragen aan een levendige en democratische samenleving.

Het introduceren van dit programma is een belangrijke stap in het versterken van de burgerlijke verantwoordelijkheid en het vergroten van het gevoel van verbondenheid en participatie onder jongeren in het Caribisch Nederland.