ABVO BONAIRE TA BAI ORGANISÁ UN ELEKSHON PA GRUPO  DI SERVISIO NA E KOMPANIA BONAIRE INTERNATIONAL AIRPORT (BIA).

Kralendijk,- Dia 15 di novèmber binidero ABVO Bonaire ta bai organisá un elekshon pa grupo  di servisio na e kompania Bonaire International Airport (BIA).

Aki bou mi ta duna un deskripshon kiko ta nifiká un “grupo di servisio” (dienstgroep):

Definishon di un grupo di servisio ta un grupo di empleado afiliá na e Asosiashon, ku ta traha bou di un hefe di servisio independiente i/òf direktor òf un otro nòmber ofisial.”

Na BIA, ABVO ta konta ku 40 miembro ku tin derechi di vota.

Tin 5 trahadó ku ta traha na BIA ku ta miembro di ABVO ku a postulá nan mes komo kandidato pa drenta direktiva di grupo di servisio di BIA.  

Pa e elekshon aki a postulá e siguiente kandidatonan ku  ta:

Sra Zayderine Janga
Sr  Renny Winklaar
Sr  Wendel Bernadina.
Sr  Marcos Jimenez
Sra Ina Engelhardt

Sigur ku ABVO ta konta ku tur e 40 miembronan di ABVO ku ta laborá na BIA ku lo duna nan  sosten pa por tin un grupo di servisio pa representá nan.

FUENTE:ABVO/LIVE99FM