Kralendijk- riba fecha 2 di òktober 2024 Stephen Salas i Ethuriel Nicolaas di Tirabon a sali di biahe pa nos hermana isla Kòrsou pa representá Boneiru den e kompetensia di Tiru yamá “Double-Alpha Challenge”.
E kompetensia a tuma lugá riba fechanan 3, 4 i 5 di òktober 2024 na Daou “Shooting Range & Sports”.
E disiplina ku a usa pa double alpha tabatá riba nivel di (IPSC-CUW) bou di bandera di Kòrsou. IPSC ta para pa International Practical Shooting Confederation.
Aki e tiradó ta wòrdu dirigí ku komandonan internashonal pa e por start e parkour. Stephen Salas i Ethuriel Nicolaas a tira un total di 29 diferente parkour kaminda ku nan a move di un punta pa otro tirando riba e arkonan, pa asina nan trata mas tantu posibel di skor punto.
Diferente Pais a forma parti na e kompetensia, i sin lugar a duda Bonaire tambe a duna un tremendo pesentashon. Asina aki tambe, Stephen Salas i Ethuriel Nicolaas a pone Bonaire riba mapa mundial ku nan partisipashon na “Double Alpha Challenge”, riba nivel IPSC.
Pa por kumpli ku reglanan di IPSC ta rekeri entre otro presensia di un asina yamá “range officier”. Esaki ta un titulo ku un persona ta risibí ora ku e pasa un kurso i guia algun kompetensia.
Den e dianan di kompetensia Ethuriel a probecha pa sigui kurso i guianan nesesario risibí serka profeshonalnan riba tereno di IPSC. Ku esaki nos ke anunsiá tambe ku pronto Bonaire lo bai tin su promé IPSC “Range Officier” ofishalmente.
Riba fecha 07 di òktober 2024 a tuma lugá e seremonia kaminda ku a anunsiá e skornan i pa despues a sigui e parti soshal kaminda ku amantenan di e deporte di tiru i otro invitadónan presente a sosialisá un ku otro i e parti di catering tabata tremendo.
Tirabon ta felisitá Stephen Salas i Ethuriel Nicolaas ku nan partisipashon na e kompetensia internashonal. Tambe nos ta gradisí direktiva di e oraganisashon ku a oraganisá e kompetensia i ta wak pa futuro pa sigui forma parti na mas kompetensia den futuro serkano.
Palabranan di gradisimentu ta bai na Fundashon Wega di number Boneiru ku ta e spònser prinsipal ku a hasi ful e biahe aki posibel. Nos ta super gradesido ku ta kere den nos federashon i nos deportista nan.
FUENTE:TIRABON/LIVE99FM













GIPHY App Key not set. Please check settings