Redakshon
Kiko ta un mayor di klas?
Kralendijk,- Un mayor di klas ta e persona di kontakto prinsipal entre un maestro i e mayornan di muchanan di un klas. Ta bai prinsipalmente tokante tareanan atministrativo i organisatorio, kaminda e mayor di klas ta sostené e maestro.
Tuma komo ehèmpel sena di Pasku, parada di tiner, nochi di sine, ekskurshon, etc.
E mayor di klas ta tene e mayornan di un klas na altura di e aktividatnan, pa yuda ku preparashon
E mayor di klas por ta un mama, pero naturalmente e por ta un tata tambe.
Hopi biaha tin 2 mayor di klas pa kada grupo. Ta mas práktiko pasó unu por yuda otro òf eventualmente remplasá otro.
Eksigensia pa bira un mayor di klas ta ku bo yu mester ta den e klas.
Mayoria biaha bo ta kumpli ku e tarea pa un aña eskolar.
Shete punto prinsipal
Promé ku un hende disidí definitivamente pa bira mayor di klas, ta bon pa e sa kiko ta spera di dje. Seguidamente e 7 puntonan importante di un mayor di klas.
1. Bo ta yuda plania I organisá aktividatnan di e grupo. Por ehèmpel ekskurshon, anochi di sine, fiesta di grupo, hasimentu di aña òf despedida di maestro.
2. Bo ta sostené e maestro ku aktividatnan di klas.
3. Bo ta manehá finansa di klas. Mayornan ta pone un montante chikí (no ta obligá) na komienso di aña eskolar i bo ta manehá e pòt aki. Tambe por rekoudá fondo pa bo klas. Por usa e sèn aki pa aktividatnan speshal pa e klas.
4. Bo ta pone atenshon na e grupo, por ehèmpel malesa of si e mucha mester di atenshon.
5. Bo ta enbolbí mas mayor na skol i den e grupo.
6. Bo ta risibí señal di mayornan ku bo ta papia kuné.
por ehèmpel; si tin punto pa kua nan ke mas klaridat.
Esaki bo ta trese na konosementu di e maestro i mèntòr.
Bo ta e konekshon sentral den kcmunikashon entre mayor i maestro.
Un sentro briante
Manera bo ta mira, ser un mayor di klas ta un tarea responsabel pero tòg algu leuk.
Bo ta e parti briante i sentral i bo ta pèrkurá pa tareanan kana supel.
FUENTE: FITTIPALDI PIETERSZ/LIVE99FM
GIPHY App Key not set. Please check settings