RELASHONÁ KU DIA DI MONUMENTU INTERESANTE CHARLA TOKANTE NOS MONUMENTUNAN

Kralendijk – Sekshon di Kultura, Arte i Literatura (SKAL) den kolaborashon ku Stichting Monumentenzorg, relashoná ku Dia Internashonal di Monumentu, ta organisá un interesante charla tokante nos herensianan tangibel, den e kaso akí nos monumentunan.

E charla akí ta tuma lugá riba djasabra 28 di sèptèmber, den sala di konferensia na Captain Don’s Habitat, pa 19.00 or. E charla ta na enkargo di sr. Herson Martinus i e ta kompletamente grátis. A base di e charla akí nos lo lansa proyektonan interesante ku tin di haber ku konsientisashon relashoná ku nos monumentunan.

Pa mas informashon por tuma kontakto ku Departamentu di Kultura na telefon +599 715 5323

Dia di Monumentu ta un dia riba kua ta pone hopi atenshon na nos herensianan monumental, prinsipalmente riba e parti di konsientisashon i kaminda nos ta fiha atenshon riba e balor ku nos monumentunan tin pa nos patrimonio i nos historia.

Departamentu di Kultura ta invitá tur ku ta interesá, pa partisipá na e konkurso i charla tokante nos monumentunan.

FUENTE:SKAL/LIVE99FM

NEDERLANDS:

IN VERBAND MET MONUMENTENDAG INTERESSANTE LEZING OVER ONZE MONUMENTEN

Kralendijk – De Sectie Cultuur, Kunst en Literatuur (SKAL) organiseert in samenwerking met de Stichting Monumentenzorg, in verband met de Internationale Monumentendag, een interessante lezing over ons tastbaar erfgoed, in dit geval onze monumenten.

Deze lezing vindt plaats op zaterdag 28 september in de conferentiezaal van Captain Don’s Habitat om 19:00 uur. De lezing wordt gegeven door dhr Herson Martinus en is helemaal gratis. Gebaseerd op deze lezing gaan wij interessante projecten lanseren die te maken hebben met bewustwording in verband met onze monumenten.

Voor meer informatie kunt u contact opnemen met de Afdeling Cultuur via het telefoonnummer +599 715 5323.

De Monumentendag is een dag waarop veel aandacht gevestigd wordt op ons monumentale erfgoed, vooral op het gedeelte van bewustwording waarbij wij aandacht besteden aan de waarde die onze monumenten hebben voor ons erfgoed en onze geschiedenis.

De Afdeling Cultuur nodigt iedereen die interesse heeft uit om deel te nemen aan de prijsvraag en de lezing over onze monumenten.