KOLEGIO EHEKUTIVO DEN KÒMBERSASHON KU SIUDADANONAN KU TIN KEHO TOKANTE KUIDO

Kralendijk – Dia 26 i 27 di sèptèmber diputado Den Heyer i e diputadonan di kuido di Sint Eustatius i Saba ta papia ku siudadanonan na nan isla ku tin keho tokante kuido. Ta tene e kòmbersashonnan ku e nòmber ‘Konta mi’ dia 26 di sèptèmber 2024 di 18:00 or pa 21:00 or na Jong Bonaire na Playa i dia 27 di sèptèmber 2024 di 18:00 or pa 21:00 or na Cocari na Rincon. E meta ta pa identifiká ki tipo di keho tin. Despues e islanan BES ta informá ministerio di Salubridat Públiko, Bienestar i Deporte (VWS) tokante e resultadonan. E diputadonan Clark Abraham i Anjelica Cicilia tambe ta presente na ‘Konta mi’ tokante kuido.

E tres diputadonan di e islanan BES a disidí pa pone e kehonan di siudadanonan na nan isla huntu. ‘Nos sa ku siudadanonan tin keho, pero te ku awor tin tiki hende ku ta mèldu un keho serka e organisashonnan den kuido. Si nos ke mehorá kuido na nos islanan, e ora ei nos tin ku prueba ministerio di Salubridat Públiko, Bienestar i Deporte (VWS) kiko ta bai robes i na unda esaki ta sosodé. Nos ke tende di siudadanonan mes kiko nan ta konfrontá òf kiko nan a yega di konfrontá,’ asina Den Heyer a splika.

E diputadonan di kuido di islanan BES tin algun tempu ta traha huntu kaba. Na Boneiru den luna di òktober 2023 Konseho Insular a aseptá un moshon pa investigá kalidat di kuido na e isla akí. Den Heyer ta spera ku e kòmbersashonnan ku siudadanonan ta duna un imágen di e problemanan i e posibel solushonnan den kuido.

Registrá pa ‘Konta mi’ tokante kuido

Suidadanonan por registrá via kontami@bonairegov.com pa partisipá na ‘Konta mi’ tokante kuido. Ora di registrá nan tin ku duna nan nòmber i bisa tokante kua ramo di kuido nan tin un keho.  

FUENTE:OLB/LIVE99FM

NEDERLANS:

BESTUURSCOLLEGE MET BURGERS IN GESPREK OVER KLACHTEN OVER DE ZORG

Kralendijk – Gedeputeerde Den Heyer en de zorggedeputeeerden van Sint Eustatius en Saba praten op 26 en 27 september met burgers op hun eiland over klachten over de zorg. De gesprekken met de naam ‘Konta mi’ worden op 26 september 2024 van 18:00 – 21:00 uur bij Jong Bonaire in Playa gehouden en op 27 september 2024 van 18:00 – 21:00 uur bij Cocari in Rincon.  Het doel is om in kaart te brengen wat voor klachten er zijn. De BES-eilanden informeren het ministerie van Volksgezondheid, Welzijn en Sport, VWS, later over de resultaten. Bij ‘Konta mi’ over de zorg zijn ook de gedeputeerden Clark Abraham en Anjelica Cicilia aanwezig.

De drie gedeputeerden van de BES-eilanden hebben besloten om op hun eiland de klachten van burgers te verzamelen. ,,We weten dat burgers klachten hebben, maar tot nu toe zijn er weinig mensen die bij de organisaties binnen de zorg een klacht melden. Als we de zorg op de eilanden willen verbeteren, dan moeten VWS bewijzen wat er misgaat en waar dat gebeurt. We willen van de burgers zelf horen waar ze tegenaan lopen of tegenaan zijn gelopen,” zo heeft Den Heyer uitgelegd.

De zorggedeputeerden van de BES-eilanden werken al een tijd samen. Op Bonaire had de eilandraad in oktober 2023 een motie aangenomen om op het eiland onderzoek te doen naar de kwaliteit van de zorg. Den Heyer hoopt dat de gesprekken met burgers een beeld geven van de problemen en mogelijke oplossingen in de zorg.  

Aanmelden ‘Konta mi’ over de zorg

Burgers kunnen zich via kontami@bonairegov.com aanmelden om mee te doen aan ‘Konta mi’ over de zorg. Bij het aanmelden moeten ze hun naam opgeven en zeggen over welke tak van de zorg ze een klacht hebben.