AFBW TA SERA AKUERDO DI KOPERASHON KU E SINDIKATO ABV.

Kralendijk, – Siman pasa e sindikato Algemene Federatie van Bonairiaanse Werknemers (AFBW) tabata di bishita na Aruba pa forma parti na un kongreso di FTA, estando na Aruba a bishita tambe e sindikato Arubaanse Bond van werknemers in Verplegende instellingen (ABV).

Aña pasa e sindikato ABV tambe tabata na Boneiru i a realisá un bishita serka AFBW.

Tabata djasabra último ku AFBW i ABV a firma un protokòl di koperashon, firmando e protokòl aki, e dos sindikatonan aki lo bai traha huntu, den solidaridat i union pa yuda otro, sostené otro i fortifiká otro ku e propósito pa hasi uzo di tur konosementu, eksperensia i fasilidatnan.

ABV ta un sindikato ku hopi aña di eksperensia i tin representashon den e sektor di kuido i enfermeria na Aruba.  

Pa ABV i AFBW, esaki ta un akuerdo di koperashon, pa por haña i interkambiá mas eksperensia, un pa ku otro. Mas uni i fuerte trahadónan ta, lo konstruí un mihó sosiedat kaminda e lucha kontinuo lo ta hustisia pa un i tur i ku rèspèt pa dignidat humano, huntu den un forma optimal pa e klase trahadó.

AFBW i ABV lo forma un moketa huntu pa sigui hiba e lucha kontra inhustisia laboral.  

“Union ta hasi Forsa”.

FUENTE:AFBW/LIVE99FM