INVERSHONISTANAN DEN INDUSTRIA DI HOSPITALIDAT MESTER INVERTÍ DEN KAPASITASHON DI TRAHADÓNAN BONERIANO TAMBE.

Kralendijk,- Nos a tuma nota ku atrobe TCB, Entidat Públiko Boneiru, BIA I BONHATA a anunsiá buelo nobo di JetBlue for di New York, di Corendon Airlines for di Hulanda i di otro kompanianan di aviashon ku ta bai am­plia nan buelonan pa Boneiru den e temporada haltu di turismo ku ta na kaminda.

Tambe a bini dilanti den notisia ku tabatin road show ku TCB a organisá huntu ku empresarionan hotelero na New York. Komo un lider di M21 i ku eksperensia den e mundu hotelero internashonal, mi tin algun pregunta:

1. Dikon TCB no ta hiba kòmbersashon ku kadenanan hotelero di 4 i 5 strea meri­ka­no i latinoamérikano?
2. Dikon Boneiru komo e destinashon number dos na mundu den buseo ku ta atraé sambuyadónan di nivel haltu no tin akomodashon na nivel di 4 i 5 strea?
3. Enbes di invitá influencer-nan ku ta bin keda grátis pa hasi promoshon, dikon TCB, BONHATA i gobièrnu di Boneiru no ta organisá roadshow i invitá kadena­nan hotelero ku programa di miembresia di plata, oro i djamante ku ta biaha rònt mundu pa invertí na Boneiru? Nan lo hisa nos nivel di hoteleria i nivel di servisio di nos bonerianonan, pasó nan sí tin plan di kapasitashon i desaroyo pa nan personal.
4. Kon por ta posibel ku nos tin hotèl di tres strea ku restorant ku strea di Michelin  ta operando. Ta mundu al reves? Boneiru mester di un maneho ku ta spesifiká ki tipo di akomodashon di hospitalidat nos ta deseá i di kua nivel.
5. Kon ta posibel ku no tin niun boneriano ta trahando na e nivel akí komo sirbiente, bartènder, anfitrion etc.,pero sí den kushina pa laba tayó?
6. Tin un plan di desaroyo i kapasitashon pa e boneriano ku a nase akí i kier alkansá e nivel ei? E hotèlnan ku tin akinan tin plan di desaroyo pa personal lokal?
7. Kon ta posibel ku tur restorant i hotèl di doñonan hulandes oropeo su personal ta konsistí di 70% di personal hulandes oropeo?
8. Si turismo ta e pilar number un di Boneiru su ekonomia, dikon esun ku ménos ta probechá di esei ta e boneriano?
9. Kon a para ku e programanan di kapasitashon ku anteriormente gobièrnu tabata organisá pa personanan ku kier traha den hóreka, manera: limpiesa, guia turí­stiko, bartènder, trahadó na ofisina di resepshon, sirbiente etc.?
10. Ku kiko tur e hotèlnan ku nan a invitá na e roadshow na New York ta kontribuí na komunidat boneriano? Nan ta hasi negoshi i gana sèn akí. Nan ta aportá na proyektonan turístiko na Boneiru? Nan ta aportá òf sikiera adoptá áreanan turí­stiko ku nan wéspetnan ta hasi uso di dje? Komo dunadó di trabou, nan ta promové kultura boneriano i nan ta yuda desaroyá e trahadó boneriano?

Na aña 2024 ainda tin trahadó na Boneiru ku ta trahando den hóreka, inkluyendo hotèlnan renombrá, ku no tin un penshun ni kondishonnan sekundario reglá. Netamente esaki ta motibu di e preguntanan akí. Pasó mi ta mira ku ta promové Boneiru tur kaminda, pero e promoshon pa e boneriano mes na su propio isla ta laga hopi di deseá den un sektor ku ta importante pa e komunidat boneriano. Al final: si mi bai China ta trahadó chines ta risibí mi, sirbi mi i guia mi. Na Boneiru so ta e mundu riba su kabes.

FUENTE: M21/LIVE99FM

NEDERLANDS:

INVESTEERDERS IN DE HORECA MOETEN OOK INVESTEREN IN TRAINING VAN BONAIRIAANSE WERKNEMERS

Kralendijk, 22 september 2024 – Wij hebben er kennis van genomen dat TCB, Openbaar Lichaam Bonaire, BIA en BONHATA alweer nieuwe vluchten hebben aangekondigd van JetBlue uit New York, van Corendon Airlines uit Nederland en van andere luchtvaartmaatschappijen die hun vluchten naar Bonaire gaan uitbreiden in het komende toeristische hoogseizoen. In het nieuws is ook naar voren gekomen dat er een road show heeft plaatsgevonden in New York, georganiseerd door TCB samen met hotelondernemers. Als een leider van M21 die ervaring heeft in de internationale hotelwereld heb ik enkele vragen:

1. Waarom voert TCB geen gesprekken met Amerikaanse en Latijns Amerikaanse hotelketens van 4 en 5 sterren?
2. Waarom heeft Bonaire, als de nummer twee duikbestemming van de wereld die duikers van hoog niveau aantrekt, geen accomodaties op 4- en 5-sterrenniveau?
3. In plaats van influencers uit te nodigen die hier gratis komen verblijven om promotie te maken, waarom organiseren TCB, BONHATA en het Bonairiaanse eilandbestuur geen roadshows waarbij hotelketens met zilveren, gouden en diamenten lidmaatschapsprogramma’s uitgenodigd worden om in Bonaire te investeren? Dit zal het niveau van ons hotelwezen en het niveau van dienstverlening van onze Bonairianen verhogen, omdat zij wél trainings- en ontwikkelingsplannen hebben voor hun personeel.
4. Hoe is het mogelijk dat wij 3-sterren hotels hebben met restaurants met een Michelinster? Is dit de wereld op zijn kop? Bonaire heeft beleid nodig dat specificeert welke types hospitality-accomodaties wij willen en van welk niveau.
5. Hoe is het mogelijk dat geen enkele Bonairiaan op dit niveau werkzaam is als tafelbediende, barman of barvrouw, gastheer of gastvrouw enz., maar wel als afwasser in de keuken?
6. Bestaat er een ontwikkelings- en trainingsplan voor de Bonairiaan die hier geboren is en dat niveau wil bereiken? Hebben de hotels die wij hier hebben een ontwikkelingsplan voor het lokale personeel?
7. Hoe is het mogelijk dat het personeel van alle restaurants en hotels van Europees Nederlandse eigenaren voor 70% uit Europees Nederlandse werknemers bestaat?
8. Als het toerisme de pijler nummer één van de Bonairiaanse economie is, hoe komt het dan dat degene die daar het minste van profiteert de Bonairiaan is?
9. Hoe staat het met de trainingsprogramma’s die het eilandbestuur vroeger organiseerde voor mensen die in de horeca willen werken, zoals: schoonmaak, toeristengids, barman en barvrouw, receptie medewerker, tafelbediende enz.?
10. Wat is de bijdrage van alle hotels die bij de road show in New York zijn uitgenodigd aan de Bonairiaanse samenleving? Zij komen hier zaken doen en geld verdienen. Dragen zij bij aan toeristische projecten op Bonaire? Leveren zij een bijdrage of adopteren zij op zijn minst toeristische plekken waar hun gasten gebruik van maken? Promoten zij als werkgever de Bonairiaanse cultuur en helpen zij mee de Bonairiaanse werknemer op te leiden?

In het jaar 2024 zijn er nog werknemers op Bonaire die in de horeca werken, gerenommeerde hotels meegerekend, voor wie geen pensioen en geen secundaire voorwaarden zijn geregeld. Dit is juist de reden van deze vragen. Omdat ik zie dat Bonaire overal gepromoot wordt, maar de promotie voor de Bonairiaan zelf op zijn eigen eiland veel te wensen over laat in een sector die belangrijk is voor de Bonairiaanse samenleving. Tot slot: als in naar China ga, word ik door chinese medewerkers ontvangen, bediend en rondgeleid. Alleen op Bonaire staat de wereld op zijn kop.