SHOFUR TA PERDE KONTROL I BAI RESULTA RIBA BARANKA

Kralendijk,- Tabata alrededor di 8 or di mainta ku sentral a keda notifika di un aksidente ku a tuma luga na altura di ronde Hato.

Na jegada di patruya a bin topa un vehikulo blanku pega riba e baranka di kual e shofur a resultá heridá.

Mesora a pidi sentral pa dirigi ambulans pa e sitio ku na jegada, mesora paramedikonan a duna e shofur e prome asistensia pa despues tranporte ku urgensia pa poliklinika pa tratamentu mediko avansa.

Na e sitio polis a laga e shofur di e vehikulo hasi un test di supla di kual a resulta ku e shufor a pasa e limite di alkohol ku ta permiti.

FUENTE: LIVE99FM