KORSOU: GOBIERNU DI KORSOU A KAI, PARTIDO MFK A KITA SOSTEN FOR DI KUALISHON DI PARTIDO PNP.

Willemstad, – Algun ratu pasa a drenta e notisia na mesa di redakshon di Notisia LIVE99FM ku e gobiernu di pais Korsou a kai. Segun informashon ku nos a risibi i tambe for di deklarashon di Prome Misnister Sr. Gilmar Pisas nos por a kompronde ku for d basta dia kaba tabata tin algu ta kushi i ku for di ayera djaluna tabata tin un konflikto entre e frakshon di MFK i e frakshon di PNP den e kaso aki entre Sr.Sheldry Osepa i Sr. Gwendell Mercelina i mester bisa ku esaki a bin kulmina ku e frakshon lo no kier traha ku e dos personanan aki den kualishon i esaki a bin termina den un karta awe kaminda ku tur e nuebe (9) miembronan a bisa ku nan no ta sostene e dos miembronan di Partido Nashonal aki mas den kualishon.

Prome Minister Sr.Pisas a bisa ku ta hopi difisil pa tin un gobiernu di e forma aki ya ku bo ta un frakshon di kuater (4) i no por bai funshona lagando dos (2) afo i ku no por bai eksigui tampoko pa nan buska otro hende kual ta trese kune ku na e momentu nan aki no tin e mayoria den kualishon, mientras ku Sr. Pisas a aksentua ku esaki no tin nada di aber ku e aspekto kritiko di e frakshon di partido Nashonal, pero si a bisa ku si bo ta kritiko bo mester ta kritiko tur ora.

Pa loke ta gobernashon Prome Minister Pisas a bisa ku mester bai wak kiko ta bai pasa ya ku por tin varios senario mientras ku tin varios problematikanan ku mester keda regla i ku no ta na su luga pa bai yama un elekshon.

Pa loke ta e notisia ku tabata sirkula ku Sra. Corinne Djaoen Genaro a tuma retiru for di Partido Nashonal i bai ku su asiento, esaki no ta kuadra ku berdat.

FUENTE: LIVE99FM