APERTURA OFISIAL DI “EHEKUSHON PROYEKTO BIBIENDA PAGABEL”

Kralendijk – E diputadonan Cicilia i Den Heyer a habri e Konferensia di Trabou “Ehekushon Proyekto Bibienda Pagabel” ofisialmente. E enkuentro akí ta marka un paso importante den realisashon di bibienda pagabel pa komunidat boneriano.

Proyekto ambisioso di Konstrukshon di Bibienda

Konseho Insular den e Nota Maneho di Tereno 2022 – 2025 a stipulá ku mester konstruí bibienda pagabel ku urgensia. Esaki a kondusí na e plan Proyekto Bibienda Pagabel, ku tin komo meta pa konstruí 2100 bibienda pagabel den e periodo di 2024 – 2030. E Ministerio di Bibienda Públiko i Ordenamentu Teritorial (Volkshuisvesting en Ruimtelijke Ordening – VRO) a primintí ku nan lo ko-finansiá e proyekto akí.

Preparashonnan ta den pleno marcha

E preparashonnan pa e proyektonan di kontrukshon di bibienda ya kaba ta den pleno marcha. Kolegio Ehekutivo ta kla pa pone e último pasonan pa kuminsá ku e fase di ehekushon den e áreanan di Rincon Pariba i Dawari, kaminda nan ta bai traha en total 210 bibienda.

Presentashon di Plan di Desaroyo Urbano

Durante e Konferensia di Trabou e mènedjer di programa Raymond Begina a entregá e plannan detayá di desaroyo urbano pa Rincon Pariba i Dawari na e diputadonan Cicilia i Den Heyer. Manera ta preskribí den Maneho di Tereno 2022 – 2025, lo presentá e plannan akí na Konseho Insular pa aprobashon promé.

Kolaborashon pa bibienda pagabel

Diputado Cicilia a pone énfasis riba importansia di kolaborashon: “Nos ta kontentu ku tantu stakeholdernan interno komo eksterno a primintí di hasi nan máksimo esfuerso pa realisá bibienda pagabel pa nos hendenan.” Kolegio Ehekutivo ta spera, pa huntu ku tur e partidonan enbolbí, hasi e proyekto importante akí un éksito.

Siguiente pasonan

Awor Kolegio Ehekutivo ta bai presentá e áreanan di eksplotashon Rincon Pariba i Dawari na Konseho Insular. Ku esaki e ehekushon real di e Proyekto Bibienda Pagabel ta bini un paso mas serka. E partidonan enbolbí ta traha duru pa sòru ku konstrukshon di bibienda pagabel por ranka sali rápidamente.      

FUENTE: OLB/LIVE99FM

NEDERLANDS:

“UITVOERING PROYEKTO BIBIENDA PAGABEL” OFFICIEEL GEOPEND

Kralendijk – Gedeputeerden Cicilia en Den Heyer hebben de Werkconferentie “Uitvoering Proyekto Bibienda Pagabel” officieel geopend. Deze bijeenkomst markeert een belangrijke stap in het realiseren van betaalbare woningen voor de Bonairiaanse gemeenschap.

Ambitieus Woningbouwproject

De Eilandsraad heeft in de Nota Grondbeleid 2022 – 2025 vastgesteld dat er met spoed betaalbare woningen gebouwd moeten worden. Dit heeft geleid tot het plan Proyekto Bibienda Pagabel, dat tot doel heeft om 2.100 betaalbare woningen te bouwen in de periode 2024 – 2030. Het Ministerie van Volkshuisvesting en Ruimtelijke Ordening (VRO) heeft toegezegd om dit project mede te financieren.

Voorbereiding in volle gang

De voorbereidingen voor de woningbouwprojecten zijn al in volle gang. Het Bestuurscollege is klaar om de laatste stappen te zetten om te beginnen met de uitvoeringsfase in de gebieden Rincon Pariba en Dawari, waar in totaal 210 woningen zullen worden gebouwd.

Presentatie van Stedenbouwkundige Plannen

Tijdens de Werkconferentie heeft Programma Manager Raymond Begina de uitgewerkte stedenbouwkundige plannen voor Rincon Pariba en Dawari overhandigd aan gedeputeerden Cicilia en Den Heyer. Deze plannen zullen, zoals voorgeschreven in het Grondbeleid 2022 – 2025, eerst ter goedkeuring aan de Eilandsraad worden voorgelegd.

Samenwerking voor betaalbare woningen

Gedeputeerde Cicilia benadrukte het belang van samenwerking: “We zijn blij dat zowel interne als externe stakeholders hun maximale inzet hebben toegezegd om betaalbare woningen te realiseren voor onze mensen.” Het Bestuurscollege kijkt ernaar uit om, samen met alle betrokken partijen, dit belangrijke project tot een succes te maken.

Volgende stappen

Het Bestuurscollege zal nu de exploitatiegebieden Rincon Pariba en Dawari voorleggen aan de Eilandsraad. Hiermee komt de daadwerkelijke uitvoering van het Proyekto Bibienda Pagabel weer een stap dichterbij. De betrokken partijen werken hard om ervoor te zorgen dat de bouw van betaalbare woningen snel van start kan gaan.