AWE A TUMA LUGA APERTURA DI PASADIA “ BAN PASA DIA KU SUNI I A SELEBRA 85 AÑA DI SUR SWINDA

Kralendijk, – Awe riba selebrashon di 85 aña di Sur Swinda, a tuma luga apertura di pasadia “ Ban Pasa Dia Ku Suni “. Notisia LIVE99 tabata presen i a sostene un entrevista ku e direktor di e pasadia kende ta Sra. Suny Makaija-Eusenia ku a bisa ku semper e la soña pa por tin un pasadia pa nos grandinan kual por sierto tambe tabata un deseño di Sur Swinda.

Despues di e parti ofisial, a sigui ku e parti di selebrashon, kaminda a selebra 85 aña di Sur Swinda i tambe un i tur presente por a mira kon Sur Swinda huntu ku Sr.Nireidio Makaija ku ta enkarga ku e parti di plantashon ku nos grandinan a planta un palu di sorsaka huntu ku Sur Swinda.

Tur esnan presente despues a keda disfruta di e dia kaminda ku nan por a disfruta tambe di un tremendo plato di komkomber chiki.

Di parti LIVE99FM nos ta desea gerensia di pasadia “ Ban Pasa Dia Ku Suni “tur klase di eksito i alabes hopi aña mas di bida na Sur Swinda.

FUENTE: LIVE99FM