EKSTORSHON NA ATM RIBA BULEVAR MIGUEL POURIER

Kralendijk, – Ayera, djaweps 25 di yüli, alrededor di algun minüt promé ku 12 or di mardugá, un ekstorshon a tuma lugá na un bankomátiko riba Bulevar Miguel Pourier. Bou di menasa, un sospechoso a fòrsa un hòmber pa saka sèn. Despues e sospechoso a subi un vehíkulo i a kore bai.

Mesora e víktima i testigunan a tuma kontakto ku ‘meldkamer’ sentral i a duna un deskripshon detayá di tantu e sospechoso komo e vehíkulo i su plachi di number. E deskripshonnan eksakto aki a yuda pa un patruya polisial identifiká e vehíkulo en kuestion, loke a kondusí na detenshon di dos sospechoso relashoná ku e kaso aki.

Ta trata di un hòmber di inisial J.J.s.J. di 24 aña di edat i un hòmber di inisial K.R.R.A di 23 aña di edat.

E víktima a deklará ku a menas’é ku un opheto paresido na un arma di kandela. Investigashon den e kaso ta kontinuá.

Bo a mira algu sospechoso? Yama 717 8000 òf e liña di tep anónimo 9310.

FUENTE: KPCN/LIVE99FM

NEDERLANDS:

AFPERSING BIJ PINAUTOMAAT OP KAYA RINCON 

Kralendijk, – Gisteren, donderdag 25 juli, een aantal minuten voor 12 uur ‘s nachts heeft er een afpersing plaatsgevonden bij een pinautomaat op de Boulevard Miguel Pourier. Een man werd onder bedreiging gedwongen geld op te nemen door een verdachte, die vervolgens in een voertuig stapte en wegreed. Het slachtoffer en getuigen hebben direct contact opgenomen met de centrale meldkamer en een gedetailleerde beschrijving verstrekt van zowel de verdachte als het voertuig en het ketennummer.

Dankzij deze nauwkeurige beschrijvingen kon een politiepatrouille het betreffende voertuig signaleren, wat heeft geleid tot de aanhouding van twee verdachten in verband met deze zaak. Het betreft een 24-jarige man met de initialen J.J.s.J. en een 23-jarige man met de initialen K.R.R.A.

Het slachtoffer heeft verklaard dat zij bedreigd werd met een object dat leek op een vuurwapen. De details van deze zaak worden momenteel verder onderzocht.

Heeft u iets verdachts gezien? Bel 911 of 717 8000 of de anonieme tip lijn 9310.