ENTRADA HUDISIAL DEN UN KAS SITUÁ NA AMBOINA KU DETENSHON

NOTISIA DI POLIS DI DJALUNA 8 DI YÜLI TE KU DJABIÈRNÈ 12 DI YÜLI 2024

Detenshonnan pa manehá bou di influensia

Riba djabièrnè 12 di yüli, alrededor di 4.20 or di mardugá, a detené un hòmber di inisial W.H. di 59 aña di edat riba Bulevar Miguel A. Pourier pa manehá bou di influensia di alkohòl. E sospechoso tabata enbolbí den un aksidente. Konforme e maneho ‘botsen is blazen’, a hasi un tèst di supla ku e sospechoso. Debí na e resultado di esaki a detené i hib’é warda di polis pa un análisis di rosea. A konsekuensia di e resultado di esaki el a haña un prohibishon di manehá di 3 ora.

Riba djárason 10 di yüli, alrededor di 3.20 or di mardugá, a detené un hòmber di inisial G.R.C. di 66 aña di edat riba Kaya Gilberto F. (Betico) Croes pa manehá bou di influensia di alkohòl. Un patruya a mira e outo di e sospechoso tabata kore zeilu riba kaminda. A par’é pa un kòntròl rutinario i a dun’é òrdu pa mustra un reibeweis bálido i prueba di seguro. El a kumpli ku e petishon. Dor ku e tabata mustra diferente karakterístika di un persona ku ta bou di influensia di alkohòl, a hasi un tèst di supla kuné i a resultá ku el a konsumí mas alkohòl ku ta permití ora ta manehá un vehíkulo. Despues di kòntròl mas aleu a resultá ku anteriormente e aña aki, na febrüari, tambe a detené e sospechoso pa manehá bou di influensia di alkohòl i a konfiská su reibeweis e tempu ei. Algun siman pasá el a haña su reibeweis bèk. A detené i hib’é warda di polis pa un análisis di rosea. A konsekuensia di e resultado di esaki a bolbe konfiská su reibeweis.

Detenshon pa violashon Lei di Opio BES

Riba djaweps 11 di yüli, alrededor di 6.55 or di anochi, ‘meldkamer’ sentral a risibí notifikashon tokante un bringamentu ku tabata tumando lugá na un kompleho di apartamentu riba Kaya Breda. Na yegada di e patruya no tabatin bringamentu pero un pleitamentu. Despues di un investigashon mas aleu a topa un di e personanan enbolbí ku diferente saku di plèstik transparente ku supstansianan probablemente narkótiko. A detené e hòmber di inisial R.G.R.S. di 20 aña di edat riba sospecho di violashon di Lei di Opio BES. A konfiská esakinan pa investigashon mas aleu.

Ladronisia bòter di gas

Riba djaweps 11 di yüli a drenta keho di ladronisia di un bòter di gas for di den kurá di un kas na Kaya Iguaza. Na momentu ku e habitante a yega kas i a bai kushiná, el a konstatá ku deskonosínan a bai ku su bòter di gas. Ta investigando e kaso.

Detenshon

Riba djaweps 11 di yüli, alrededor di 12.55 or di mardugá, a detené e hòmber di inisial R.H.C. di 33 aña di edat den ‘Centrumgebied’ pa manehá bou di influensia di alkohòl, pa resistí detenshon i pa no sigui òrdu di polis.

Un patruya ku tabata kore riba un kaminda di preferensia, mester a wanta brek pa evitá un aksidente despues ku un outo ku tabata aserkando ku velosidat haltu i no a duna preferensia na e patruya. E outo a sigui kore i a lora dilanti di e patruya. Esaki a pone ku e patruya a bai su tras i a duna e shofùr señal pa para pa atendé kuné riba su komportashon di manehá. E shofùr a kumpli ku e petishon pa para. Durante kòntròl a pidi e shofùr pa mustra un reibeweis bálido, pero el a indiká ku e no tin reibeweis. Na momentu ku e pidi’é pa un prueba di identifikashon, e shofùr a duna di konosé ku e no tin niun dokumento huntu kuné. E tabata mustra diferente karakterístika di un persona ku ta bou di influensia di alkohòl.

A hasi un tèst di supla kuné i a resultá ku el a konsumí mas alkohòl ku ta permití ora ta manehá un vehíkulo. A informá e sospechoso ku e ta detené pa manehá bou di influensia di alkohòl i ku e mester kana huntu ku e agentenan bai na e outo di polis pa transport’é pa warda di polis.

Un di e agentenan a tene e sospechoso na su brasa ariba, despues di kua e sospechoso a lòs man di e agente a bisa e agentenan pa no mishi kuné. Despues di a kita su faha di seguridat den e vehíkulo polisial, habri e porta di outo i purba hui, un biaha mas e sospechoso a kita man di e agentenan for di dje.

Na e momentu ei, e sospechoso a pusha e agente polisial. E sospechoso tabata nenga subi den e outo di polis i tabata resistí fuertemente. Pa e motibu aki e agentenan a hañanan obligá di hasi uso di téknikanan apropiá i ‘pepperspray’ pa detené e sospechoso. A transport’é pa warda di polis.

Outo ta dal siklista

Riba djárason 10 di yüli, alrededor di 9.15 or di anochi, ‘meldkamer’ sentral a risibí notifikashon tokante un outo ku a dal un siklista riba Kaya Korona. Na yegada di e patruya i ambulans, personal di ambulans a kuminsá duna e víktima tratamentu.

E shofùr di e outo a deklará ku e tabata kore den direkshon nort i a mira un hòmber tabata kore baiskel riba asera na su man drechi. E baiskel tabatin un lus kòrá patras. E siklista tambe tabata kore den direkshon nort, pero diripiente a subi kaminda sin wak patras. E shofùr di e outo a purba desviá e siklista pa evitá un aksidente, pero el a tende un zonido fuerte i a dal e siklista tòg. El a spanta i a kore bai stashoná su vehíkulo algu mas leu. Ora el a baha for di outo, el a mira e víktima riba dak di su outo.

Konforme e maneho ‘botsen is blazen’, a hasi un tèst di supla ku e shofùr, ku un resultado negativo. A duna e shofùr but pa maneha sin seguro bálido i a hiba su outo warda di polis. Ambulans a transportá e víktima pa hòspital pa tratamentu médiko.

Entrada hudisial den un kas situá na Amboina ku detenshon

Den oranan trempan di mainta riba djárason 10 di yüli, e tim di Kriminalidat Sibernétiko (Cybercrime Team) di Kuerpo Polisial Hulanda Karibense a tene un entrada hudisial den un kas situá na Amboina. E entrada hudisial tabata den kuadro di un investigashon tokante invashon di kòmpiuter (computervredebreuk), froude i labamentu di plaka. Durante di e entrada hudisial a detené un hòmber di 22 aña di edat i a konfiská algun artíkulo relevante pa e kaso. Investigashon den e kaso ta kontinuá.

Bo a mira algu sospechoso? Yama 717 8000 òf e liña di tep anónimo 9310.

FUNETE: KPCN/LIVE99FM

========================================================================

NEDRLANDS:

POLITIEBERICHTEN VAN MAANDAG 8 JULI TOT EN MET VRIJDAG 12 JULI 2024

Aanhoudingen rijden onder invloed

Op vrijdag 12 juli, rond 04:20 uur, werd een 59-jarige man met initialen W.H. aangehouden op de Boulevard Miguel A. Pourier voor het rijden onder invloed van alcohol. De verdachte was betrokken in een aanrijding. Volgens de ‘botsen is blazen’ beleid werd een blaastest afgenomen bij de verdachte. Naar aanleiding van het resultaat hiervan werd hij aangehouden en naar het politiebureau gebracht voor een ademanalyse. Naar aanleiding van het resultaat hiervan kreeg hij een rijverbod van 3 uren.

Op woensdag 10 juli, rond 03:20 uur, werd een 66-jarige man met initialen G.R.C. aangehouden op de Kaya Gilberto F. (Betico) Croes voor het rijden onder invloed van alcohol. De auto van de verdachte werd door een patrouille gespot toen hij slingerend op de weg reed. Hij werd gestopt voor een routine controle en gevorderd om een geldig rijbewijs en verzekeringsbewijs te tonen. Hij voldeed aan dit vordering. Doordat hij verschillende kenmerken van iemand die onder invloed van alcohol toonde, werd een blaastest bij hem afgenomen waaruit bleek dat de verdachte meer dan de toegestane hoeveelheid alcohol had genuttigd. Uit nadere controle bleek dat de verdachte eerder dit jaar, in februari, ook was aangehouden voor het rijden onder invloed van alcohol en zijn rijbewijs is destijds ingevorderd. Hij kreeg een aantal weken geleden zijn rijbewijs terug. Hij werd aangehouden en naar het politiebureau gebracht voor een ademanalyse. Naar aanleiding van het resultaat hiervan werd zijn rijbewijs nogmaals ingevorderd.

Aanhouding overtreding Opiumwet BES

Op donderdag, 11 juli, rond 18:55 uur, kreeg de centrale meldkamer melding over een vechtpartij die gaande was bij een appartementencomplex op de Kaya Breda. Toen de patrouille arriveerde was er geen vechtpartij maar echter een woordenwisseling. Na nader onderzoek werd bij één van de betrokkene verschillende doorzichtige plastic zakjes met vermoedelijke verdovende middelen aangetroffen. De 20-jarige man met initialen R.G.R.S. aangehouden op verdenking van overtreding van de Opiumwet BES. Deze werden in beslag genomen voor verdere onderzoek.

Diefstal gasfles

Op donderdag 11 juli werd aangifte gedaan van diefstal van een gasfles vanaf het erf van een woning aan de Kaya Iguaza. Toen de bewoner thuis kwam en ging koken, constateerde hij dat zijn gasfles door onbekenden was meegenomen. De zaak wordt onderzocht.

Aanhouding

Op donderdag 11 juli, rond 00:55 uur, werd een 33-jarige man met initialen R.H.C. aangehouden in de centrumgebied voor het rijden onder invloed van alcohol, verzet met geweld tegen aanhouding en het niet opvolgen van een bevel van de politie.

Een patrouille die op een voorrangsweg reed, moest remmen om een aanrijding te voorkomen nadat een auto met hoge snelheid naderde en geen voorrang aan de patrouille verleende. De auto reed door en sneed de patrouille af. Hierdoor ging de patrouille achter de auto aan en gaf de bestuurder een stopteken om hem aan te spreken op zijn rijgedrag. De bestuurder voldeed hieraan.

Bij controle werd de bestuurder gevraagd om een geldig rijbewijs te tonen, maar hij gaf aan geen rijbewijs te hebben. Toen hem om een identiteitsbewijs werd gevraagd, gaf de bestuurder aan geen enkel documenten bij zich te hebben. Hij vertoonde verschillende kenmerken van iemand die onder invloed van alcohol is.  

Er werd een blaastest afgenomen waaruit bleek dat de verdachte meer dan de toegestane hoeveelheid alcohol had genuttigd. De verdachte werd medegedeeld dat hij was aangehouden voor het rijden onder invloed van alcohol en dat hij met de agenten mee moest lopen naar het dienstvoertuig om naar het politiebureau te worden overgebracht.

Een van de agenten pakte de verdachte bij zijn bovenarm vast, waarna de verdachte zich los trok en zei dat de agenten hem niet mochten aanraken. De verdachte probeerde de hand van de agent af te schudden, maakte in het dienstvoertuig zijn gordel los, trok zich los, opende de deur en probeerde te ontsnappen.

De verdachte gaf de agent op dat moment een harde duw. De verdachte weigerde mee te werken om terug in het dienstvoertuig te stappen en verzette zich hevig. Hierdoor waren de agenten genoodzaakt om gebruik te maken van gepaste technieken en pepperspray om de verdachte in de boeien te brengen. Hij werd naar het politiebureau gebracht.

Auto rijdt fietser aan

Op woensdag 10 juli, rond 21:15 uur, kreeg de centrale meldkamer een melding over een fietser die op de Kaya Korona door een auto werd aangereden. Bij aankomst van de patrouille en de ambulance werd het slachtoffer door het ambulancepersoneel behandeld.

De bestuurder van de auto verklaarde dat hij in noordelijke richting reed en aan zijn rechterkant een man op een fiets op het trottoir zag rijden. De fiets had een rood achterlicht. De fietser reed ook in noordelijke richting, maar kwam plotseling zonder achterom te kijken de weg op. De bestuurder van de auto probeerde de fietser te ontwijken om een aanrijding te voorkomen, maar hoorde een harde klap en raakte de fietser toch aan. Hij schrok en parkeerde zijn auto een stukje verderop. Toen hij uitstapte, zag hij het slachtoffer op het dak van zijn auto liggen.

Volgens het ‘botsen is blazen’ beleid werd een blaastest bij de bestuurder afgenomen, met een negatief resultaat. De bestuurder werd bekeurd voor het rijden zonder geldige verzekering en zijn auto werd naar het politiebureau gebracht. Het slachtoffer werd met de ambulance naar het ziekenhuis gebracht voor medische behandeling.

Huiszoeking met aanhouding

In de vroege ochtenduren op woensdag 10 juli 2024, heeft het Cybercrime Team (CCT) van het Korps Politie Caribisch Nederland een huiszoeking gedaan in een woning gelegen aan de Amboina. De huiszoeking was in het kader van een onderzoek op computervredebreuk, oplichting en witwassen. Tijdens de huiszoeking werd een 22-jarige man aangehouden en zijn enkele relevante artikelen voor de zaak in beslag genomen. Onderzoek in deze zaak loopt.

Heeft u iets verdachts gezien? Bel 911/112 of de anonieme tip lijn 9310.