DI AKUERDO KU ARTHUR SEALY; MANEHO DI ENTIDAT PÚBLIKOBONAIRE A DRENTA “SKITPAT” ESAKI TA NIFIKÁ KU TIN ASINATANTU RETO PA KU E MANEHO NOBO, MIENTRAS KU DESPUESDI NUEBE LUNA AINDA NO TIN UN PROGRAMA DI MANEHO.

Kralendijk, – Loke ta riparabel ta ku e maneho nobo na kuminsamentu a tira pa simannan largu riba falta di e maneho di MPB/UPB , a kita mandato di direktornan i pone peso riba lomba di Christopher Frans a para tur ehekushon i a drecha algun kaya ku greis a lanta kara di malekon i biahenan pa Sint Maarten i Hulanda a kuminsá bira e normal nobo. Pelea ku sekretario di estado tokante kompensashon pa miembronan di Konseho Insular, presupuesto no ta adaptá, mester paga esnan ku a hala greis pa dominá kandela na Lèntfil, pero ta wardando ketu bai riba e pago.

Amtenar ku a usa e areglo mas tempran ta konfrontando problema, Na finansa tin un éksodo. Koalishon ni oposishon den Konseho Insular no ta pone preshon pa yega na un programa di maneho.Esaki ta nifiká ku no por kontrolá Kolegio Ehekutivo. Esaki ta kontra regla di Bon Gobernashon. Koalishon tin e tendensia di aktua manera kolegio Ehekutivo i lider di M21 ta diputado mayó. Awor tur konsehal ta ku fakansi i nada no ta tuma lugá. Mi por kere ku ta laga problemanan grandi riba tereno di espasio, ekonomia i provishon públiko pa nan kuenta.

Kas pagabel, turismo, kambio di klima, salubridat, forsa laboral i produktividat, enseñansa, medio ambiente, kuido, kresementu di poblashon, edat di penshun, imigrashon, energia, digitalisashon i konstrukshon. Unda e vishon pa 2030 i 2050 ta? Si no tin maneho Bonaire ta bai konfrontá pobresa riba tur e terenonan aki. E úniko solushon ta embolbimentu di pueblo den tur kos. Amtenar ku no konosé pobresa, debe, riesgo di  saka bo for di kas, kòrta bo koriente, no tin transporte i no tin kuminda riba mesa. Ta un abusu i arogansia  sinta den kantor traha maneho pa pueblo sin pueblo. Laga e hendenan ei duna aporte òf ta abo shon amtenar, ku salario gordo i yen di benefisio, por bai ku fakansi sa kiko ta bon pa e hendenan ei. Hasi bo kantor kas de e hendenan ei.

Diputadonan no yama konferensia di prensa i laga hende tende di boso pero bai den nan kas, papia i konhuntamente buska solushon. Ta di ken e ekspreshon aki ta  “Si bo no ta goberná pa sirbi, bo no ta sirbi pa goberná”    

FUENTE: ARTHUR SEALY/LIVE99FM