FOR DI MOMENTU KU KÒRSOU, KU A KLASIFIKÁ PA KAMPEONATO MUNDIAL, A KAI DEN PUL KU  ALEMANIA YA POR A SKUCHA E KANTIKA BATI ALEMAN.

Kralendijk,- E kosnan aki ta trese hopi zjeitu i mamamentu di gai. Ami ta unu di e tiki fanatikonan na Bonaire ku ta fanátiko di Alemania.

Mi a tende i lesa diferente splikashon di e kantika Bati Aleman pero niun kaminda tin un splikashon den un konteksto históriko/literario/kultural. Pues disfrutá di e e ekspreshon Bati Aleman relashoná ku e wega Kòrsou kontra Alemania.

Laga nos bati man promé  pa Jean i Aubrey i despues Bati Aleman.   Aubrey Sealy di Bonaire huntu ku Jean Francisca a traha a base di diplomasia, (lòbi) den Concacaf serka Jack Warner  i Fifa, serka Sepp Blatter  pa asistensia tékniko i finansiero pa dos trayekto, fasilidatnan deportivo i kurso pa entrenadó. E otro trayekto tabata pa hungadónan antiano den eksterior forma parti di selekshon pa Antia Hulandes klasifiká pa un kopa Mundial.

Sigur si mira e resultado, ounke no a resultá klasifikashon di Antia hulandes, por bisa ku Jean i Aubrey tabata revolushonario ku un vishon pa logra kambio den e mundu di futbòl internashonal. Si awe rèfrinan ta bisti kolorido i no tradishonal na pretu ta logro di Aubrey sostené pa Jean.

Pa e punto di hungadó pa selekshon di un pais di un di su mayornan ounke e hungadó a nase na un otro pais ta idea di Aubrey, Jean i Jack Warner, mirando ku hungadónan karibense nasé den paisnan kolonisadó lo no hunga pa e pais di nan mayor(nan).

Nos a mira hungadó ku rais den kolonia franses, ingles, hulandes hunga pa Fransia, Inglatera i Hulanda. Logro di Aubrey, Jean, Warner den nan lòbimentu durante reunion di Fifa por mira awe. Mas pais den kopa Mundial i hungadónan nasé den otro pais ta hunga pa pais, isla di nan mayor (nan). Ehèmpel Marokko, Cabo Verde i Kòrsou.  

FUENTE: EWART SEALY