DIREKTORADO DI SUPERVISHON I MANTENSHON DI LEI I MBO BONEIRU TA FINALISÁ KOLABORASHON EKSITOSO PA LUGÁ DI STAZJE

Kralendijk – Direktorado di Supervishon i Mantenshon di Lei i MBO Boneiru ku orguyo ta anunsiá ku nan kolaborashon rònt di lugá di stazje a terminá eksitosamente.

For di komienso di e trayekto, studiantenan di MBO Boneiru a haña oportunidat pa atkerí eksperensia balioso den mundu di supervishon i mantenshon di lei, entre otro duna sosten ora tin evento i supervishon na sitionan públiko.

E lugánan di stazje no solamente a brinda studiantenan un posibilidat pa pone nan konosementu teóriko den práktika, pero tambe pa desaroyá abilidatnan krusial riba tereno di siguridat públiko. Ku esaki e kolaborashon no solamente a kontribuí na kresementu profeshonal di e studiantenan, pero tambe na fortifikashon di siguridat i òrden na Boneiru.

Ku hopi satisfakshon señor Richardson, direktor di Direktorado di Supervishon i Mantenshon di Lei, ta wak bèk riba e trayekto: ‘E stazjenan a forma un brùg importante entre enseñansa i práktika. Nos ta orguyoso ku dedikashon i prestashon di e studiantenan i nos ta agradesido pa e aporte balioso ku nan a duna na nos trabou. E kolaborashon akí ta mustra kon importante ta pa enbolbí talento lokal aktivamente ku siguridat públiko.’

MBO Boneiru tambe ta pone énfasis riba importansia di e programa: ‘E kolaborashon akí ta brinda nos studiantenan un oportunidat úniko pa atkerí eksperensia den práktika, loke den un forma ekselente ta prepará nan pa un karera den sektor públiko. Nos ta spera un kontinuashon di e kolaborashon eksitoso akí.’

Mirando e resultado positivo, ámbos partido a ekspresá e intenshon pa den futuro ampliá e kolaborashon i ofresé mas studiante di MBO Boneiru un oportunidat pa kore stazje na Direktorado di Supervishon i Mantenshon di Lei. 

FUENTE: OLB/LIVE99FM

NEDERLANDS:

DIRECTIE TOEZICHT EN HANDHAVING EN MBO BONAIRE SLUITEN SUCCESVOLLE SAMENWERKING VOOR STAGEPLAATSEN AF

Kralendijk – De Directie Toezicht en Handhaving en MBO Bonaire maken met trots bekend dat hun samenwerking rondom stageplaatsen succesvol is afgerond.

Sinds de start van het traject hebben studenten van MBO Bonaire de kans gekregen om waardevolle praktijkervaring op te doen binnen de wereld van toezicht en handhaving, waaronder ondersteuning bij evenementen en toezicht op openbare locaties.

De stageplekken boden studenten niet alleen de mogelijkheid om hun theoretische kennis in de praktijk te brengen, maar ook om cruciale vaardigheden te ontwikkelen op het gebied van openbare veiligheid. De samenwerking heeft daarmee niet alleen bijgedragen aan de professionele groei van de studenten, maar ook aan het versterken van de veiligheid en orde op Bonaire.

De heer Richardson, directeur van de Directie Toezicht en Handhaving, kijkt zeer tevreden terug op het traject:
“De stages hebben een belangrijke brug gevormd tussen onderwijs en praktijk. We zijn trots op de inzet en prestaties van de studenten en dankbaar voor de waardevolle bijdrage die zij hebben geleverd aan ons werk. Deze samenwerking laat zien hoe belangrijk het is om lokaal talent actief te betrekken bij de openbare veiligheid.”

Ook MBO Bonaire benadrukt het belang van het programma:
“Deze samenwerking biedt onze studenten een unieke kans om praktijkervaring op te doen die hen uitstekend voorbereidt op een carrière in de publieke sector. We kijken uit naar een voortzetting van deze succesvolle samenwerking.”

Gezien de positieve resultaten hebben beide partijen de intentie uitgesproken om de samenwerking in de toekomst verder uit te breiden en nóg meer studenten van MBO Bonaire de kans te bieden om stage te lopen bij de Directie Toezicht en Handhaving.