SEKRETARIO DI ESTADO DI MINISTERIO DI ASUNTUNAN SOISAL I DI LABOR, SR. NOBEL TA RISIBÍ I APROBA PROYEKTO DI FORMASHON NA REKURSO HUMANO ENTREGÁ DOR DI USIBO

Kralendijk,-  25-11-‘25 Durante un enkuentro djamars dia 25 di novèmber di Diálogo Sentral, un paso signifikante pa desaroyo profesional na Boneiru a tuma lugá, ora ku e Sekreetario di Estado di Asuntunan Sosial i di Labor sr. Nobel a risibí i aprobá positivamente e petishon pa un proyekto nobo di formashon riba tereno di Rekurso Humano (HR), presentá pa USIBO.

Tabata Naidy Cicilia, representando e generashon nobo den USIBO, ku a entregá e proyekto después ku sr. Norwin Willem bosero/konsehero di USIBO a presentá e kontenido di e proyekto. E reakshon positivo ta konfirmá ku USIBO ta sigui krese den e direkshon korekto.

E proyekto ta representá un paso konkreto den fortalesemento di un sistema di Rekurso Humano (HRM) den USIBO, un fundamentu ku ta sigui kristalisá mesora pa mehorá e kalidat di servisio ku ta oferesé na komunidat di Boneiru tantu pa trahadó, komo pa dunadó di trabou.

Ku konosimentu i kapasidat na lugá, bo por duna un servisio duradero ku kontinuidat. E aprobashon aki ta mustra ku nos ta riba e bon kaminda drechi, segun representantenan di USIBO. USIBO ta ekspresá gratitut pa e sosten kontinuo i e norma i balor ku ta guia su kresementu den un rais stabiel. Esaki ta hasi posibel pa kontinuamente invertí den bon gobernashon, profesionalismo i servisio pa e klase trahadó

FUENTE: USIBO/LIVE99FM