SELEBRASHON DERECH’I MUCHA KU PARADA DI LAMPIÒN, UN EKSITO UN BIA MAS

Kralendijk- Un parada di lampion mas eksitoso tras di lomba Un biaha mas Sentro Akseso a para ketu i selebrá e dia internashonal di mucha (i su derechinan).

Mayornan, hobennan i muchanan meresé di sa i komprondé kon importante nan derechinan ta. Esaki ta netamente e motibu dikon Sentro Akseso ta pone hopi énfasis riba e selebrashon di e dia fundamental aki. Ya pa algun aña kaba, Sentro Akseso (antes SHIF) tin ta kontinuá ku e tradishon di organisá nos Parada di Lampiòn.

E selebrashon aki ta bira nos manera di reuni komunidad, i ta realmente bunita pa mira mayor, hoben i mucha drenta huntu den e selebrashon.

Manera ta kustumber, algun dia promé ku e parada, mayoran i e muchanan tabatin e oportunidat di bishitá un di nos lokashonan pa traha nan propio lampiòn. E momentu kreativo aki ta semper krea un momentu di kreatividat.union i antisipashon pa e gran dia.

E lema di e aña aki tabata: “Mi siguridat ta importante.” Nos a hasi uso di “katrinchi di shon” komo símbolo ofisial pa enfatisá e tema. Tabata remarkable di skucha den kombersashon ku nos hóbennan di skuchanan bisa ku nan no ta sinti nan seif mirando e situashonan ku tabatin andando un tempu pasá aki na Boneiru.

Pa nos, esaki ta un alerta i ta mustra ku nos, komo komunidad; mayor, tutor, guía i dosente, mester sigui traha huntu pa krea espasio ku nos muchanan por sigui krese i sintinan seif i protehá. E parada di e aña aki tambe tabata un éksito grandi, ku un partisipashon ku ta sigui krese sigui krese, prinsipalmente for di nos hobennan.

Nos kier a ekstendé un graditut na un i tur ku a duna un man, nos grupo di bass di Casa di Musika, Jong Bonaire ku a yuda nos trese e hóbennan pa e selebrashon aki i naturalmente tur mayor ku a djòin nos atrobe e aña aki.

Huntu nos ta sigui traha pa fortalesé e siguridat, konfiansa i derechi di tur mucha na Boneiru. Huntu nos ta para pa e derechi di nos muchanan.

FUENTE: AKSESO/LIVE99FM

NEDERLANDS:

VIERING RECHTEN VAN HET KIND MET ONZE LAMPIONPARADE, WEDEROM EEN SUCCESS

Kralendijk – Een succesvolle lampionnenoptocht achter de rug Sentro Akseso stond wederom stil en vierde de internationale dag van het kind (en zijn rechten).

Het is belangrijk dat ouders, jongeren en kinderen weten en begrijpen hoe belangrijk hun rechten zijn. Juist daarom hecht het Sentro Akseso veel waarde aan de viering van deze fundamentele dag. Sentro Akseso (voorheen SHIF) zet al enkele jaren de traditie voort van het organiseren van onze lampionenparade.

Deze viering is onze manier om gemeenschap te verzamelen en het is erg mooi om ouders, jongeren en kinderen samen te zien komen tijdens de viering.

Zoals gewend konden ouders en kinderen een paar dagen voor de optocht een van onze locaties bezoeken om hun eigen lampionnen te maken.

Dit moment creëert altijd een moment van creativiteit, eenheid en verwachting voor de grote dag. Het thema van dit jaar was: “Mijn veiligheid is belangrijk.” We gebruikten “lieveheersbeestje” als officiële symbool om het thema te benadrukken.

Het was opmerkelijk om tijdens gesprekken met onze jonge luisteraars te horen dat ze zich niet veilig voelen gezien de situaties die zich enige tijd geleden hier op Bonaire afspeelden. Voor ons is dit een waarschuwing en het laat zien dat wij, als gemeenschap; ouders, verzorgers, begeleiders en leerkrachten, moeten blijven samenwerken om ruimtes te creëren waar onze kinderen kunnen blijven groeien en zich veilig en beschermd kunnen voelen.

De parade van dit jaar was ook een groot succes, met een groeiende deelname, vooral van onze jongeren. We willen graag onze dank uitspreken aan iedereen die een handje heeft geholpen, onze basgroep van Casa di Musika, Jong Bonaire, die ons heeft geholpen de jongeren voor deze viering te betrokken, en natuurlijk alle ouders die zich dit jaar weer bij ons hebben aangesloten.

Samen blijven we werken aan het versterken van de veiligheid, het zelfvertrouwen en de rechten van alle kinderen op Bonaire. Samen komen we op voor de rechten van onze kinderen