A FIRMA AKUERDO DI KUATER AÑA PA PROLONGASHON DI WEGANAN INTERINSULAR

Kralendijk – Resientemente a tuma lugà un momentu importante entre e hermana islanan Aruba, Boneiru i Kòrsou, kaminda a firma un akuerdo pa ekstendé e “MoU” (Memorandum of Understanding) relashoná ku e Weganan Interinsular ku kuater aña mas.

Na aña 2022 mandatarionan di e islanan Aruba, Boneiru i Kòrsou a firma e promé “MoU” na Boneiru pa un durashon di tres aña, ku awor akí a kaduká.

E tres añanan akí tabata sumamente fruktífero i eksitoso pa hopi hóben atleta di Aruba, Boneiru i Kòrsou. 

E promé tres deportenan pa loke ta trata e Weganan Interinsular lo ranka sali na Boneiru den luna di februari 2026. Despues ta turno pa hermana isla Kòrsou ta anfitrion i den luna di mart e Weganan Interinsular ta finalisá na Aruba.

Un danki ta bai pa diputado Peter Silberie, minister Sithree van Heydoorn i minister Gerlien Croes pa a firma e akuerdo pa asina por sigurá ku e hermandat ku e Weganan Interinsular ta sòru p’e, por kontinuá pa kuater aña mas pa nos hóben atletanan di Aruba, Boneiru i Kòrsou.

FUENTE: OLB/LIVE99FM

NEDERLANDS:

OVEREENKOMST VAN VIER JAAR ONDERTEKEND VOOR VOORTZETTING INTERINSULAIRE SPELEN

Kralendijk – Recent vond een belangrijk moment plaats tussen de zustereilanden Aruba, Bonaire en Curaçao, waarbij een overkomst werd ondertekend om de ‘MoU’ (Memorandum of Understanding) met betrekking tot de Interinsulaire Spelen met nog vier jaar te verlengen.

In 2022 hebben bestuurders van de eilanden Aruba, Bonaire en Curaçao op Bonaire de eerste ‘MoU’ ondertekend voor de duur van drie jaar die nu is verlopen.

Het waren drie zeer vruchtbare en succesvolle jaren voor veel jonge atleten van Aruba, Bonaire en Curaçao.

De eerste drie sporten van de Interinsulaire Spelen zullen in februari 2026 op Bonaire van start gaan. Daarna is Curaçao aan beurt om gasteiland te zijn en in maart eindigen de Interinsulaire Spelen op Aruba.

Een woord van dank gaat uit naar gedeputeerde Peter Silberie, minister Sithree van Heydoorn en minister Gerlien Croes voor het ondertekenen van de overeenkomst, zodat de broederschap die de Interinsulaire Spelen teweegbrengen voor nog vier jaar verzekerd is voor onze jonge atleten van Aruba, Bonaire en Curaçao.