DIA 11 DI NOVÈMBER ÚLTIMO, USIBO A TENE SU REUNION GENERAL, I DEN E REUNION AKI A TRATA E PUNTO DI AGÈNDA REORGANISASHON USIBO.

Kralendijk,- A presentá resultado di e reorganisashon interno na miembronan. Miembronan a wòrdu informá tokante desaroyonan den USIBO.

Despues di diferente konsiderashonnan  den USIBO a tuma desishon pa hasi un reorganisashon den nos union sindikal. E paso aki ta nesesario pa mantené nos organisashon prepará pa futuro i pa por adaptá mihó na e sirkunstansianan ku ta kambia.

E reorganisashon ta enfoká prinsipalmente riba un direktiva transitorio nobo, un repartishon di tarea den direktiva i uzonan mas efisiente di nos medio i fortalesé e struktura di nos aktividatnan. Ku esaki, nos ke hasi ku nos organisashon por traha mas efikas i garantisá kontinuidat di nos union sindikal.

Direktiva transitorio:

1. Presidente, Sr. Cherel F Kwidama, AFBW.
2. Vise Presidente, Sr. Angelo P R Vrolijk, NAPB BES.
3. Sekretaria, Naidy MM Cicilia, AFBW.
4. Segundo sekretaria, Ricela M Hart, SIMABO.
5. Tesorero, Mavis J Abrahams, SIMABO.
6. Segundo tesorero, Catharina H van Manen, AFBW.

Miembronan nan den Diálogo Sentral Boneiru:

1. Cherel F Kwidama, miembro.
2. Angelo P R Vrolijk, miembro.
3. Mavis J Abrahams, miembro.
4. Norwin C Willem, bosero.
5. Naidy M M Cicilia, miembro suplente.
6. Catharina H van Manen, miembro suplente.

Miembronan den komishon di konseho di retiro terminashon di kontraktnan laboral BES.

1. Sandrine Vaseur, miembro.
2. Naidy Cicilia, miembro.
3. Jose Capella, miembro suplente.

Komishon Sosial USIBO i Komishon Formashon USIBO.

1. Lilian J Soliana,  kordinadó / lider.
2. Miembronan di sindikatonan, den USIBO.

USIBO ta apresiá boso envolvimentu i konfiansa den USIBO, i nos ta spera kontinuá ku e bon kolaborashon ku nos tin.
“Huntu nos por sigui konstruí un union fuerte, bon organisá i ta kla pa e futuro”.

FEUNTE: DIREKTIVA DI USIBO/LIVE99FM