KIKO TA BONAIRE HOLDING MAATSCHAPPIJ I KIKO TA E META SKIRBI DEN E STATUTO

BHM ta un kompania di Gobiernu i ta pueblo ta doño di BHM. Kolegio Ehekutivo ta representa e akshonista di BHM ku ta pueblo i ta Kolegio Ehekutivo, konforme di Statuto di BHM, ta disidi riba tur aktividatnan di BHM. BHM no por tuma ningun desishon, absolutamente ningun desishon strategiko tokante di e kompanianan ku ta resulta bou di BHM, sin ku Kolegio Ehekutivo (komo representante di e akshonnan di BHM), duna instrukshon pa e desishonnan aki. Pues finalmente ta Kolegio Ehekutivo ta disidi, presisamente konforme di Statutonan. Esaki no ta nifika ku, si Kolegio Ehekutivo duna un instrukshonan kontra di por ehempel Statutonan, kontra di bon gobernashon korporativo of kontra di bon maneho finansiero, ku BHM su direktiva lo ehekuta e instrukshon aki sin mas.

Den Statutonan di BHM tin lo siguiente para:

“De vennootschap heeft ten doel:

1. Het deelnemen in en het beheren van ondernemingen en vennootschappen;
2. Het beleggen van haar middelen in effecten, zoals aandelen en andere bewijzen van deelgerechtigdheid en obligaties, alsmede in andere rentedragende schuldvorderingen onder welke naam en in welke vorm ook, het lenen van gelden en het uitgeven van schuldbewijzen daarvoor, alsmede het uitlenen van gelden en het op enigerlei wijze stellen van zekerheid zowel ten behoeve van de vennootschap als ten behoeve van anderen.”

Tin un servisio ku BHM a palabra ku e ta presta tambe na tur kompania i a sera un akuerdo. E akuerdo aki ta konta pa e trabou i konseho riba tereno di Merkadeo, Rekurso Humano, Finansa (ku eksepshon di presupuestonan) i asuntunan Hurídiko i Komersial. Ta pesei tin un montante chiki ku e kompanianan ta paga BHM. Por sierto e kostonan di e trabounan durante añanan a bira asina karu ku e pregunta ta kon ta sigui karga ku e kostonan.

Pues e meta prinsipal ku BHM a keda instituí pe ta pa yuda mantene e prinsipionan di bon gobernashon i reglanan di maneho korporativo dentro di e kompanianan ku BHM ta akshonista di dje

.

E struktura di BHM

BHM tin siguiente kompanianan di kua BHM ta akshonista 100%:

• Bonaire Overheidsgebouwen (BOG) N.V.
  • Bonaire Laboratorium (BONLAB) N.V.
  • Servisio di Limpiesa Boneriano (SELIBON) N.V.
  • Tourism Corporation Bonaire (TCB) N.V.
  • Telfonia Boneriano (TELBO) N.V.

E kompanianan aki tur a keda lanta pa Gobiernu di Boneiru. Ku kada unu un meta ku Gobiernu a disidi ku Gobiernu kier pa un kompania hasi e trabounan i servisionan aki, na luga di Gobiernu.

Ta pesei Gobiernu a krea un struktura tambe di finanshamentu direkto entre Gobiernu i e kompanianan aki, di manera ku e aktividatnan, trabounan i servisionan di e kompanianan aki ta garantisa pa komunidat di Boneiru. Por ehempel TCB ta finansha 100% pa Gobiernu di Boneiru via di e asina yama “zorgcontract”. Tambe t’asina ku ta Gobiernu ta stipula preisnan ku algun di e kompanianan aki ta usa pa bende nan produktonan i servisionan na komunidat.

Segun Statutonan di BHM Kolegio Ehekutivo ku ta e akshonista di BHM tin di duna e asina yama “stemrecht” pa praktikamente tur desishonnan importante den e kompanianan aki. Inkluso tin mester di “stemrecht” di Kolegio Ehekutivo pa pone i kita Miembronan di Hunta di Komisario i tambe Direktornan Statutario di e diferente kompanianan. Tambe mester di “stemrecht” di Kolegio Ehekutivo pa sierto kontraktnan ku e kompanianan tin di sera ku terseranan i tur transakshonnan finansiero ku ta yega of surprasa un montantena deskribi den kada un di kompanianan su Statutonan.

Kiko ta situashon di e kompanianan di BHM aktualmente

BOG
Riba 14 di mei 2025 nos akountant EY a entrega e kuenta anual 2024 di BOG ku un deklarashon aprobativo. For di esaki ta resultá ku e sifranan ta duna un impreshon realístiko di e situashon finansiero di e kompania. BHM a entrega kuenta anual 2024 di BOG dia 30 di yüli 2025 na nos akshonista.

BOG tin 3 empleado

RvC kompletu ku 3 RvC

BONLAB
19 trahado
BHM a entrega kuenta anual 2024 di BONLAB ku un deklarashon aprobativo di accountant dia 16 september 2025 na nos akshonista.

RvC kompletu ku 3 RvC

SELIBON
78 trahado + 10 uitzendkracht
BHM a entrega kuenta anual 2024 di SELIBON ku un deklarashon aprobativo di accountant dia 1 oktober 2025 na nos akshonista.

RvC 2 miembro I un vakatura

TCB
11 trahado

EY ta den fase final pa kontrolá kuenta annual 2024

RvC 3 miembro I 2 vakatura. Vakatura a wòrdu publikä.

TELBO
54 trahado

EY ta den fase final pa finalísá controlle di kuenta anual 2019-2024

RvC 2 miembro di kual una ta bai baha I vakatura pa 2. Vakatura a wòrdu publikä.

E diferensha entre kompanianan di Gobiernu ku ta resulta bou di BHM i e kompanianan di Gobiernu ku no ta bou di struktura di BHM

WEB, BIA i OTB no ta kai bou di struktura di BHM i Kolegio Ehekutivo komo representante di 100% di e akshonnan di e kompanianan aki su relashon ku e kompanianan WEB, BIA i OTB ta direkto i sin pasa via di BHM. E echo ku Kolegio Ehekutivo no ta pasa via di BHM pa atende ku WEB, BIA i OTB no ta krea un diferensha den e poder ku Gobierno tin pa disidi tokante di WEB, BIA I OTB.

Por ehempel den kaso di WEB, BIA i OTB tambe ta gobiernu ta stipula preisnan ku e kompanianan aki ta pidi komunidat pa nan servisionan. Solamente ku WEB N.V. lo no haña su mes fasil ku un preis ku no ta kubri nan operashon i hinka WEB den problema, pasobra e preisnan di WEB no ta wordu disidi direktamente dor di Kolegio Ehekutivo pero a tuma e desishon for di hopi añanan kaba ku ta (Autoriteit Consument & Markt) ACM di Hulanda ta stipula preisnan di WEB.

E pregunta ku si ta kompanianan di BHM “so” tin problema finansiero mester keda kontesta den e konteksto korekto. Pa kontesta e pregunta aki, no ta nesesario pa drenta den emoshonnan pasobra e situashonnan tin splikashon hopi rashonal. Tambe si tur involvi pone kabesnan huntu, nos lo yega na solushonnan tambe. E sekreto di un bon maneho finansiero di e kompanianan ta sinta den e poder ku Gobiernu tin pa disidi ku e kostonan pa por maneha e kompanianan aki finasieramente saludabel, ta sali for di e preis pa komunidat  i/of for di presupuesto general di Gobiernu di Boneiru. Te hasta ta posibel, por ehempel den kaso di SELIBON, por ehempel kostonan di lentfil di Lagun, ku Gobiernu Hulandes por finansha e kostonan.

Pues tin un relashon logiko entre e preis ku Gobiernu ta pone pa komunidat i e sobra sen ku mester bini for di presupuesto general di Boneiru. Si un gobiernu disidi ku preisnan na komunidat mester keda soshal bou di e preis ku ta finansieramente responsabel pa e kompania, anto e ora ei e “subsidio” di gobiernu pa e kompania en kaso, mester subi. Den kaso di preisnan soshal pa komunidat, si e subsidio pa e kompania en kaso keda abou, e kompania en kaso ta hañ’e den problema finansiero i te hasta por bai bankarota.

Por ehempel WEB den pasado, kada biaha tabata den problema finansiero, nos no ta korda pero asina e situashon tabata. Pasobra, Gobiernu tabata kier preis soshal pa pueblo pero no tabata duna subsidio pa kubri e falta di medionan finasiero na WEB.

Depsues Gobiernu Hulandes a hinka alrededor di 100 miyon dollar den WEB i a sana WEB. Mesora tambe a pone preisnan komershal, “no soshal”, kalkula dor di ACM i a pone ku WEB por ta finansieramente saludabel. Den kaso di WEB su preisnan, si gobiernu kier baha e preshon di e preisnan haltu pa komunidat, tantu Gobiernu Hulandes, komo Gobiernu Lokal, ta duna subsidio direkto na komunidat pa baha e preshon di preis riba komunidat.

Preguntanan ku ta biba den pueblo pa ku BHM i su kompanianan

1. BHM ta resposabel pa paga fakturanan di e kompnianan ku ta kai bou di struktura di BHM?

E kontesta ta NO. Ningun akshonista no ta responsabel pa fakturanan di kompania(nan) den kua e akshonista tin akshon. Esaki ta juist e lei mas haltu di protekshon di un akshonista den e sistema di kompanianan sosiedat anonimo etc. Un doño/akshonista pa lei no tin ningun obligashon di paga fakturanan di e kompanian di kua e ta doño of akshonista.

Awor, si t’asina, ku ta keda na kada doño ku si e ta disidi si of no di hinka su propio sen den un kompania i pues pone medionan finansiero pa entre otro paga fakturanan. Den kaso di BHM, ta e doño, esta Kolegio Ehekutivo, por disidi ku e ta pone BHM, hinka sèn den e kompanianan, si of no, pa krea fondonan finansiero serka e kompanian, pa entre otro paga fakturanan. Den un kaso asina aki, Kolegio Ehekutivo mester bisa tambe di unda e kier pa BHM saka fondonan. Tambe e aktividat aki di e desishon di e doño di BHM ku ta Kolegio Ehektuivo, mester ta konforme di lei, Statutonan, bon gobernashon korporativo i tambe reglanan internashonal di aktua i raporta aktividatnan finansiero dentro di kompanian.

2. BHM por salba kompanian ku ta den problema finasiero?

E kontesta en prinsipio ta: NO. E struktura di BHM no tin un provishon pa yuda kompanianan den problema finasiero. Pa a krea e struktura aki pa por salba kompanianan den kaso di problema finansiero, e doño di BHM, esta Kolegio Ehekutvo, mester a mantene reservanan den BHM di tal forma ku por tabatin un tipo di “weerstandsvermogen” serka BHM pa kasonan di problemanan finasiero serka e kompanian ku ta kai bou di e struktura di BHM.

Awor, naturalmente ku si Kolegio Ehekutivo pidi BHM pa yuda pensa solushon pa problemanan finansiero di un kompania of mas ku ta bou di struktura di BHM, nos di Direktiva di BHM lo yuda pensa solushon. Den e solushonnan aki tin tambe e posibilidat di bai wak kua di e kompanianan otro di BHM tin reservanan ku por wordu usa pa krea solushon pa e kompanian den problema. Pregunta ta si, ku si e solushonnan aki ta ideal si of no. Komo Direktiva nos lo konseha e doño di BHM ku ta Kolegio Ehekutivo pero ta Kolegio Ehekutivo ta doño i finalmente ta Kolegio Ehektuvo lo disidi kua rumbo e ta kue.

Por bisa ku awe mainta BHM a manda un karta pa BC komo advies, kaminda ta presenta tur e opshon nan ku tin pa esaki. E ta keda na Kolehio Ehekutivo si nan ta tuma e konseho di BHM.

FUENTE: BHM/LIVE99FM