Redakshon
Kralendijk,- Despues di tur e intriga i mal informashon ku e grupito aki a kousa ku hasta nos profeshonal hóben, esta e dos diputado a baha. E grupito no por aseptá ku e diputadonan tabata hasi un bon trabou, mihó ku nan ku a sinta tur e binti aña.
Awor James Kroon ta bin ku e ponensia ku e diputado nobo,ta hopi sabi i ku James Kroon no por aseptá kon e diputado ta profilá.
Ta ridíkulo, di un persona no desaroyá i no a sigui eduká su mes, tampoko ku no tin argumentu palpabel i ta purba di redikulisá e diputado. Atrobe e grupito aki ta buska moda di kibra karakter di un hende pasobra e diputado ta profilá mihó kuné.
Awendia tur hende ta presentá nan presentashon atraves di power point òf un bòrchi. Kiko malu tin den esaki? Dikon James Kroon no a bisa e hendenan di Selibon nada, ku a hasi nan presentashon atraves di power point? A kontrali James Kroon a elogiá e presentashon. Anto purba na kibra nos yòn profeshonalnan.
E koleganan di James Kroon su partido ta desgustá kon James Kroon ta profilá. E no ta lesa su artíkulonan ta papia kos sin pia sin kabes i hopi bes nan tin ku korigié pa e no sigui redikulisá nan.
Ta parse ku James Kroon a keda den tempu di antaño, e ta kere ku e polítika di binti aña pasa e por sigui trese esaki dilanti. Boneiru a kambia.
Awendia ta usa media pa tur sorto di publikashon. Ta skondí tras di “nos fuentenan”, pokopoko pero sigur siguidó nan ta bandoná nan i no ta kere mas den nan bochincha i ribirishi.
Boneiru a krese últimamente ku hopi hende i tambe ku hende riba nivel i ku ta komprondé tur kos ku ta pasando aki na Boneiru. Nan no ta bai tras di redu òf “ fluister kampania”. E pueblo mes por husga pa nan mes. Asina Boneiru a bira, ku hendenan konsiente i no ta bai tras di redu i blasfemia. E sistema adekuá di tene e poblashon bobo a terminá, Boneiru a krese ku hendenan konsiente i alkaso i determiná
Otro punto ku ta bin dilanti últimamente ta “ekspreshon liber”,esaki ta nan opinion i ta nan ego ku ta keda ekspresá. Talbes nan ta kere òf nan no sa ku libertat di ekspreshon ta kuminsá, kaminda esun di bo ta terminá.
Te ainda ningun hende no a reta nan dilanti hues, pa mira te na unda nan libertat di eksepshon ta yega. Pasobra si un hende den komunidat ta sinti su mes menasa òf ofendé ku ekspreshon di un otro hende, e por hib’é dilanti hues. Mi ta kere sigur ku tipo di ekspreshon manera “ta morto kaba” etc, no ta akseptabel i mester lanta kontra tipo di ekspreshon asina”.
Ku tipo di ekspreshon asina ta purba di venená e poblashon i no buska moda di eduká nos kumunidat. Mira kiko a pasa último ku yen di tiramentu i bringamentu den nos komunidat. Esaki nan ta bini dor di venená , instiga , mal informá i kibra karakter di hende .
Ta p’esei tin e ekspreshon di “ nos lo topa otro dilanti mesa bèrdè”.
Tambe mi ke elogiá kon nos kareteranan ta keda drecha, drumi anochi lanta mainta un pida grandi di e kaya ta drecha ku tabata hopi malu.
Asina den diferente bario i diferente kaya a keda drecha dor di skaf i pone un kapa nobo. Outomobilistanan ta sumamente kontentu ku e adelante aki, asina e outo no ta keda kai den buraku i ku mester drecha outo kada bes. Diputado sigui asina. Pueblo ta ku bo.
Ami Jacinto Carlo ta kontentu ku diputado a bin ku un manera nobo pa informá nos pueblo.
E diputadonan no ta reakshoná riba difamashon mas, e mes ta yama un reda di prensa i informá komunidat. Diputadonan no tei pa yuda mantené ningun hende pa gana sèn. Nan tei pa informá i traha pa e komunidat i riba e trabounan pa pueblo.
Ta buska tur manera pa kibra karakter di polítikonan mandatario. Ta sigui ku kampaña falsu , ataka persona, pero no e echo, keriendo ku e pueblo no ta mira dor di e personanan ku ta hasi esaki. Asina por yama e personanan ku ta hasi esaki komo “persona in konfiabel”.
Un atvertensia ami Jasinto Carlo ta manda pa e polítikonan frustra, Boneiru no ta e isla di 40 aña pasa. A bin hopi hende nobo ku saber di hopi kos i ta komprondé boso polítika di antaño i astusia kompleto.
FUENTE: JACINTO J.CARLO
GIPHY App Key not set. Please check settings