Redakshon
Kralendijk – Bonaire Lions Club (BLC) ta orguyoso pa anuncia ku su direktiva nobo pa e aña leónistiko 2025–2026 a wordu instalá.
Ku 63 aña ininterrumpí sirbiendo komunidat boneriano ku pasion i entrega, BLC ta sigui demonstra su kompromiso pa duna servisio na tur esnan ku tin nesesidat.
E seremonia di instalashon a tuma lugá den un ambiente íntimo i special, na e DEN di BLC, kaminda henter famia león di Bonaire a reuni pa selebrá e traspaso i e komienso di un kapitulo nobo.
Durante hopi dekada, Bonaire Lions Club a kontribuí na desaroyo i bienestar di nos isla den diferente área: salú, edukashon, sosten di hende vulnerabel, promoshon di kulturanan lokal i hopi mas; semper basá riba un prinsipio klaru: “servisio i yudansa pa ken ku mester.”
E lema pa e aña leónistiko aki ta: “Lead to Serve – Serve to Lead.” Inspirá pa medio di esaki, BLC lo enfoká su akshon pa krese komo klup i pa kontinua dunando man di speransa, solidaridat i entrega na komunidat.
E nobo direktiva ta motivá i komprometé pa traha hunto ku tur miembro pa sigui inspirá i hasi un diferensia real den bida di hende.
Bonaire Lions Club: 63 aña sirbiendo ku amor pa komunidat.
FUENTE: BONAIRE LIONS CLUB/LIVE99FM
GIPHY App Key not set. Please check settings