E PROSESO DI KOMPRA DI E FASILIDATNAN DI BOPEC TA DEN SU FASE FINAL.

Kralendijk,- Dia 2 di yüni 2025, Curoil Bonaire a firma e ‘Sales and Purchase Agreement’ pa kompra di e fasilidatnan di Bopec.

For di e momento ei, partidonan envolví a traha huntu di forma intensivo pa finalisá e kondishonnan relashoná ku e traspaso di e terminal.

E proseso ta kanando den bon esfera. Curoil Bonaire, curator mr. C.M. van Liere i Entidat Públiko Boneiru (OLB), ta trahando huntu pa finalisá e trayekto di benta di un manera responsabel i mas pronto ku ta posibel.

Teniendo na kuenta e magnitut i kompleksidat di e transakshon, partidonan a akordá pa tuma algun siman adishonal ku meta pa finalisá e kompra pa mas tardá 31 di òktober.

Tur partido ta komprometé pa finalisá e trayekto aki di un forma ku ta benefisioso pa tur partido envolví. 

FUENTE: CUROIL BONAIRE/LIVE99FM