ANOCHI DI ALABANSA DI FUNDASHON ALZHEIMER BONAIRE

Kralendijk,- Djadumingu 21 di sѐptѐmber pa 19.00 or riba Dia Mundial di Alzheimer, direktiva di  Fundashon Alzheimer Bonaire (FAB) tabatin su aktividat den kuadro di Luna Mundial di  Alzheimer, spesial pa kuidadónan informal i formal i famianan di personanan ku ta biba ku demensia, un anochi di alabansa titulá “Dios ta mi forsa pa sigui”.

E aktividat akí tabata grátis i a tuma lugá den Corallium Hotel and Villas, konforme programa di FAB.

Den un sala bunita dekorá algun kantante lokal i Koor Coromoto a trese nan kanto komo aporte na  FAB i su invitadonan.

Públiko tabata konsistí di personanan ku ta biba ku demensia, kuidadónan informal, profesionalnan di kuido, spesialistanan i miembronan di famia i tur a gosa intensamente di un bunita anochi.

Direktiva ta wak bѐk riba un anochi eksitoso unda invitadonan a gosa di músika, di kanto i di e ambiente den sala.

Presidente Sr. Evert Piar a gradisí e boluntarionan ku a organisá e anochi bou di guia di vise-presidente Sra. Henna Winklaar, i tambe nos artistanan lokal kendenan a aktua gratuitamente pa e meta akí.

Mas aleu presidente a rekordá presentenan ku ainda tin dos aktividat riba programa pa klousurá Luna Mundial di Alzheimer, djasabra awor  27 di sѐptѐmber di 9.00 pa 15.00 or na Kas Karkó Playa tin posibilidat pa hasi Tѐst di Memoria.

E tѐst ta grátis i no tin nodi di traha sita. Djadumingu 28 di sѐptѐmber pa 6.00 or tin e 5 km Alzheimer Awareness Walk ku ta kuminsá na Cargill Salt Co, direkshon pa e kasitanan di katibu i bѐk.

FUENTE: FUNDASHON ALZHEIMER BONAIRE/LIVE99FM

NEDERLANDS:

LOFAVOND ALZHEIMER STICHTING BONAIRE

Kralendijk,- Afgelopen zondag 21 september om 19.00 uur op Wereld Alzheimer Dag, hadhet bestuur van Fundashon Alzheimer Bonaire (FAB) haar activiteit in het kader van de Wereld Alzheimer Maand, speciaal voor de mantelzorgers, de verzorgers en de families van de personen die met dementie leven, een avond met lofprijzing getiteld “ God is mijn kracht om door te gaan”.

Deze activiteit was gratis en vond plaats in het Corallium Hotel en Villas, conform het  programma van FAB.

In een prachtig gedecoreerde zaal hebben een aantal lokale zangers en Koor Coromoto hun zang als een bijdrage aan FAB en haar genodigen ten gehore gebracht.

Het publiek bestond uit personen die leven met dementie, mantelzorgers, zorgprofessionals, specialisten en familieleden  die allen intens hadden genoten van een prachtige avond.

Het bestuur kijkt terug op een zeer geslaagde avond waar de genodigden hebben genoten van de muziek, de zang en de sfeer in de zaal.

De voorzitter dhr Evert Piar dankte de vrijwilligers die onder begeleiding van vice-voorzitter mw Henna Winklaar, de avond hadden verzorgd en ook onze lokale artiesten die bereid waren voor dit doel kosteloos op te treden.

Verder herinnerde de voorzitter de aanwezigen dat voor afsluiting van de Wereld Alzheimer Maand er nog twee activiteiten op het programma staan, namelijk a.s zaterdag 27 september van 9.00 tot 15.00 uur bij Kas Karkó Playa waar gelegenheid is voor de Geheugen Test.

De test is gratis en men hoeft geen afspraak te maken. Zondag 28 september om 6.00 uur is de 5 km Alzheimer Awareness Walk die bij Cargill Salt Co zal beginnen, richting de slavenhutjes en terug.