BONAIRE TIN UN SISTEMA KU YAMA DEMOKRASIA KU TA BASÁ RIBA IGUALDAT DI TUR SU ABITANTENAN.

Kralendijk,- Demokrasia ta un nesesidat pa nos dignidat. Richard Wright, un outor pretu i desendiente di esnan hasí katibu a trese bon kla dilanti e siguiente.

“Nunka mi no por a komprondé ku den sierto sentido mi ta un un hende inferior. Pero ningun palabra di e opresor blanku a laga ami duda ku mi ta hende”

Por konkluí ku dignidat ta base di tantu demokrasia i estado di derecho ku derechonan fundamental di libertat di kada hende.Apesar di tantísimo konferensia, tayer i seminario tòg nunka tin konferensia tokante efektonan di kambio den nos komunidat.

Tin indikashon ku na 2035 Bonaire ta bai tin un poblashon riba 30 mil abitante ku tur konsekuensia. Ya ta birando kla ku ta papia abiertamente di grupo i barionan di riesgo, ku no ta nada mas ku un divishon i diskriminashon kontra sierto grupo I bario.

E konklushon amargo ta ku maneho di Bonaire su parti di sosialisashon a faya kompletamente ku tur su profeshonalnan.

Pueblo no ta mira ku ta aktua kontra e instansianan di gobièrnu ku ta responsabel pa e tarea di sosialisashon. Dikon no ta bisa “Ta basta ku e negligensia aki”.

FUENTE:ARTHUR SEALY