VAN HUFFELEN KIER SIGI JUDA BONEIRU VIA UNION EUROPEO KU BO VOTO DI SOSTEN

Aktual Sekretario di Estado pa relashonnan di Reino, Alexandra van Huffelen ta hasi un yamada na tur esnan ku tin derecho pa vota pa elekshon di Parlamento Europeo kual ta 6 di juni binidero, pa hasi uso di esaki.

Van Huffelen mes tambe ta riba lista komo kargado di lista pa su partido, D66. Ei e ta number 33 riba lista number 5.

E mandatario ta mustra riba e echo ku lei i regla nan den Union Europeo tin influensha riba e bida diario di habitantenan riba e isla nan den Karibe. Tambe tin hopi fondo den Union Europeo pa proyekto nan riba tereno di kultura, kambio di klima, energia duradero, protekshon di naturalesa, siensia i arte por ehempel ku e isla nan por hasi uso di dje.