“GRASIA DI DIOS, ASINA GRANDI I LIBER! E PORTA TA HABRÍ, TAMBE PA MI!”

Kralendijk,- Dia 18 di yanüari di e aña akí, ds. Jan Jonkman ainda a dirigí un servisio den nos kongregashon na Boneiru. Durante e servisio ei nos a kanta huntu e kantika ‘Ik zie een poort wijd open staan’ (‘Mi ta mira un porta habrí hancho’).

Palabranan di fe i konfiansa ku awor, na momento di su despedida, ta haña un nifikashon spesial. Ku tristesa, pero tambe ku un kurason yen di gratitut, nos ta partisipá fayesimentu di nos domi emerito ds. Jan Jonkman. El a yega na edat di 89 aña.

Su bida largo tabata un bendishon pa hopi hende. Ds. Jonkman tabata konektá komo domi na e kongregashon protestant na Boneiru durante dos periodo: di 1964 te 1971 i, hopi aña despues, atrobe di 2002 te 2006.

E echo ku na yanüari di e aña akí el por a dirigí un servisio serka nos un biaha mas, a mustra e laso spesial i duradero ku semper el a sigui tin ku Boneiru i ku nos kongregashon.

Durante su añanan na Boneiru, ds. Jonkman a dediká su mes ku hopi entrega na desaroyo i fortifikashon di e komunidat protestant. Su aporte no tabata solamente den su predikashon i su palabranan, sino prinsipalmente tambe den e manera ku el a biba: ku fe, fieldat, disposishon pa sirbi i amor pa Dios i pa e hendenan rondó di dje.

Su fe tabata visibel den su bida diario. El a trata di biba segun Palabra di Dios i semper e tabata kla pa yuda otro. El a duna generosamente di su tempu i su energia i tabata sinseramente envolví ku bienestar di otro hende i ku e komunidat, kaminda e tabata forma parti di dje.

Esnan ku a konosé ds. Jonkman lo keda kòrda su entrega, su bondat, su humildat i su disposishon pa sirbi. El a yuda traha i fortalesé fundamentunan riba kua otro por sigui traha. Di e manera ei el a nifiká hopi pa nos kongregashon i pa Boneiru en general.

Awor ku nos mester tuma despedida di dje, nos ta sinti tristesa pasobra nos lo falta su presensia. Na mes momento nos ta gradisí Dios pa su bida i pa e hopi añanan ku el a keda konektá ku Boneiru i ku nos kongregashon. Ds. Jonkman ta laga atras un herensia balioso di fe, fieldat i servisio.

Su bida ta mustra kon un fe ku no ta solamente ekspresá ku palabra, pero ku ta bira visibel den akshon, por tin nifikashon pa otro hende i pa generashonnan ku ta bin.

Nos por honra su memoria no solamente dor di kòrda loke el a hasi, sino tambe dor di sigui ku loke tabata importante p’e: sirbi Dios, tene kuido pa otro i biba segun Su Palabra.

Ds. Jonkman, danki pa tur e añanan di servisio, pa bo fe i entrega, pa bo ehèmpel i pa tur loke bo a nifiká pa e kongregashon protestant na Boneiru. Nos pensamentunan i orashonnan ta serka su famia i tur esnan ku tabata stima di dje i ku awor ta yora su fayesimentu.

Ku Dios duna nan forsa i konsuelo. Ku gratitut nos ta konfiá ds. Jan Jonkman na Dios su amor i pas eterno.

I e palabranan ku nos a kanta huntu ainda dia 18 di yanüari ta zona awor ku ainda mas nifikashon: “Grasia di Dios, asina grandi i liber! E porta ta habrí, tambe pa mi!”

 FUENTE: IGLESIA PROTESTANT UNÍ BONEIRU/LIVE99FM

NEDERLAND:

“GENADE GODS, ZO RIJK EN VRIJ! DIE POORT STAAT OPEN, OOK VOOR MIJ!”

Kralendijk,- Op 18 januari van dit jaar ging domi Jan Jonkman nog voor in onze gemeente op Bonaire. Tijdens die dienst zongen wij samen het lied ‘Ik zie een poort wijd open staan’.

Woorden van geloof en vertrouwen die bij zijn afscheid een bijzondere betekenis krijgen. Met verdriet, maar ook met grote dankbaarheid, delen wij het overlijden mee van onze emeritus predikant ds. Jan Jonkman. Hij is 89 jaar geworden.

Zijn lange leven is voor velen tot zegen geweest. Ds. Jonkman was gedurende twee periodes als predikant verbonden aan de Protestantse Gemeente op Bonaire: van 1964 tot 1971 en, vele jaren later, opnieuw van 2002 tot 2006.

Dat hij in januari van dit jaar opnieuw bij ons mocht voorgaan, onderstreepte de bijzondere en langdurige band die hij met Bonaire en onze gemeente heeft gehouden.

Gedurende zijn jaren op Bonaire heeft ds. Jonkman zich met grote toewijding ingezet voor de opbouw en versterking van de protestantse gemeenschap.

Zijn bijdrage bestond niet alleen uit zijn prediking en zijn woorden, maar vooral ook uit de manier waarop hij leefde: in geloof, trouw, dienstbaarheid en liefde voor God en voor de mensen om hem heen. Zijn geloof was zichtbaar in zijn dagelijks leven.

Hij probeerde te leven naar het Woord van God en stond klaar voor anderen. Hij gaf ruimhartig van zijn tijd en zijn krachten en was oprecht betrokken bij het welzijn van mensen en bij de gemeenschap waarvan hij deel uitmaakte.

Wie ds. Jonkman heeft gekend, zal zich zijn toewijding, goedheid, bescheidenheid en bereidheid om te dienen herinneren. Hij heeft meegebouwd aan fundamenten waarop anderen verder konden bouwen. Daarmee heeft hij veel betekend voor onze gemeente en voor Bonaire als geheel.

Nu wij afscheid van hem moeten nemen, voelen wij verdriet omdat wij hem zullen missen. Tegelijkertijd zijn wij God dankbaar voor zijn leven en voor de vele jaren waarin hij zich met Bonaire en onze gemeente verbonden wist. Ds. Jonkman laat een waardevolle erfenis van geloof, trouw en dienstbaarheid na.

Zijn leven laat zien hoe een geloof dat niet alleen met woorden wordt beleden, maar ook in daden wordt geleefd, van betekenis kan zijn voor anderen en voor volgende generaties.

Wij kunnen zijn nagedachtenis eren door niet alleen te herinneren wat hij heeft gedaan, maar ook verder te gaan met wat hem dierbaar was: God dienen, omzien naar elkaar en leven naar Zijn Woord.

Ds. Jonkman, dank voor uw vele jaren van dienstbaarheid, voor uw geloof en toewijding, voor uw voorbeeld en voor alles wat u voor de Protestantse Gemeente op Bonaire heeft betekend.

Onze gedachten en gebeden zijn bij zijn familie en allen die hem liefhadden en nu om hem rouwen. Moge God hen kracht en troost schenken.

Met dankbaarheid vertrouwen wij ds. Jan Jonkman toe aan Gods eeuwige liefde en vrede. En klinken de woorden die wij op 18 januari nog samen zongen nu des te meer: “Genade Gods, zo rijk en vrij!

Die poort staat open, ook voor mij!” Verenigde Protestantse Gemeente Bonaire