BONEIRU TA DISPONÉ DI INSTRUMENTONAN NOBO PA MANEHO EKONÓMIKO MIHÓ SUPSTANSIÁ

Kralendijk – Desde korto Entidat Públiko Boneiru ta disponé di dos modelo di maneho ekonómiko resien desaroyá: e modelo makro ekonómiko BONóstiko i e modelo di forsa di kompra KOMBO. Ku e modelonan akí Entidat Públiko Boneiru por identifiká e konsekuensianan ekonómiko i sosial di eskohonan di maneho mas mihó, di manera ku kada biaha desishonnan ta mas tantu basá riba dato, echo i análisis ophetivo.

Pa fortifiká e konosementu dentro di e organisashon, Ofisina Ekonómiko Amsterdam (Economisch Bureau Amsterdam – EBA) na kuminsamentu di luna di yüli a duna un treinen di dos dia pa empleadonan di Entidat Públiko Boneiru i e diputado di Asuntunan Ekonómiko. Banda di esaki a presentá e modelonan na Kolegio Ehekutivo i diferente stakeholder, di manera ku nan tambe tin konosementu di e posibilidatnan di e instrumentonan nobo akí.

BONóstiko ta hasi posibel pa sigui desaroyonan ekonómiko i kalkulá diferente senario di maneho i di futuro. KOMBO ta mustra kiko e konsekuensianan di kambio den impuesto i siguridat sosial ta pa forsa di kompra di diferente kas di famia.

Diputado di Asuntunan Ekonómiko Jennifer Mohamedjoenoes a bisa: ‘Ku BONóstiko i KOMBO nos no ta invertí solamente den instrumentonan nobo, pero prinsipalmente den konosementu i kapasidat di análisis di Boneiru. Di e manera akí nos por supstansiá nos eskohonan di maneho mas mihó, i traha riba un ekonomia fuerte i resiliente pa futuro.”

Hasiendo uso di BONóstiko i KOMBO, Entidat Públiko Boneiru ta pone un paso importante den direkshon di maneho ekonómiko profeshonal i impulsá pa dato, kaminda por midi e konsekuensianan di medidanan di maneho mas mihó.

FUENTE: OLB/LIVE99FM

NEDERLAND:

BONAIRE BESCHIKT OVER NIEUWE INSTRUMENTEN VOOR BETER ONDERBOUWD ECONOMISCH BELEID

Kralendijk – Het Openbaar Lichaam Bonaire (OLB) beschikt sinds kort over twee speciaal voor Bonaire ontwikkelde economische beleidsmodellen: het macro-economisch model BONóstiko en het koopkrachtmodel KOMBO. Met deze modellen kan het OLB de economische en maatschappelijke gevolgen van beleidskeuzes beter in kaart brengen, zodat besluiten steeds meer worden gebaseerd op data, feiten en objectieve analyses.

Om de kennis binnen de organisatie te versterken, verzorgde Economisch Bureau Amsterdam (EBA) begin juli een tweedaagse training voor medewerkers van het OLB en de gedeputeerde van Economische Zaken. Daarnaast zijn de modellen gepresenteerd aan het Bestuurscollege en verschillende stakeholders, zodat ook zij inzicht hebben in de mogelijkheden van deze nieuwe instrumenten.

BONóstiko maakt het mogelijk om economische ontwikkelingen te volgen en verschillende beleids- en toekomstscenario’s door te rekenen. KOMBO laat zien wat de gevolgen van veranderingen in belastingen en sociale voorzieningen zijn voor de koopkracht van verschillende huishoudens.

Gedeputeerde van Economische Zaken Jennifer Mohamedjoenoes: “Met BONóstiko en KOMBO investeren we niet alleen in nieuwe instrumenten, maar vooral in de kennis en analysecapaciteit van Bonaire. Zo kunnen we beleidskeuzes beter onderbouwen en werken aan een sterke en toekomstbestendige economie.”

Met de inzet van BONóstiko en KOMBO zet het OLB een belangrijke stap naar een datagedreven en professioneel economisch beleid, waarbij de gevolgen van beleidsmaatregelen beter kunnen worden afgewogen.