Redakshon
Kralendijk,- Tin lider spiritual, lider di bario, lider di partido, lider di frakshon i lider sindikal. Laga sa ku nan sí tin vishon i maneho. Tokante maneho tur direktorado tin trahadó di maneho pero e pregunta ta.
Nan por traha maneho òf ta nombramentu polítiko ta e situashon.Despues di elekshon di 2023 te awor a forma sinku Kolegio Ehekutivo, a huramentá un gezaghèber, un grifir, tres gezaghèber interino i dos konsehal a bira independiente.
Ta imposibel pa kere ku por papia di stabilidat den maneho di Bonaire. Tur hende ke sa e motibu pa kiko diputadonan a tuma retiru, pero loke bo ta tende ta. No tabatin komunikashon, no tin mester di “vakgedeputeerde”, algu ku no ta eksistí.
Pueblo ta guli e mentiranan aki. E kos ta fásil. Lidernan ku a forma koalishon mester papia kla pa pueblo sa ku si e diputadonan a nenga sigui nan òrdu. Den kaso di Joselito MPB i UPB no por papia bon di Joselito kaminda ku a laga sa ku e no por keda diputado.
Pa elekshon otro aña na mart sigur ta bini partido nobo i for awor por puntra ku tin lider, sea nobo òf konosí den polítika, ku si tin vishon. E pregunta na e nobato i chubatunan bieu ta. Ken Bo ta p’ami vota p’abo. Mustra mi bo logronan komo lider, bo vishon, ki organisashon bo a manehá ku éksito. Meskos ta konta pa bira diputado.
Ken bo ta, kiko bo a logra, ki tipo di trabou bo a hasi, kon bo relashon ku bo kolega i trahadónan tabata, bo ta íntegro òf bo ta bai baile riba ritmo di esnan ku a proponé pa bo bira diputado.
FUENTE: ARTHUR SEALY
GIPHY App Key not set. Please check settings