Redakshon
Kralendijk,- Den e último añanan, Biblioteka Públiko Boneiru a desaroyá su mes komo e biblioteka sosial, edukativo i kultural di Boneiru: un lugá aksesibel kaminda hende di tur edat por topa otro, siña di otro i ku otro, i deskubrí mundunan nobo. Ku un edifisio moderno di biblioteka, un tim multikultural i inklusivo, i un oferta di aktividat ku ta sigui krese, e biblioteka ta kumpli un papel kada bes mas importante den komunidat boneiriano.
Pa sigui fortalesé e papel sosial aki den futuro, entrante 1 di ougùstùs 2026 e biblioteka lo sigui funshoná komo e fundashon independiente Fundashon Biblioteka Públiko di Boneiru. E fundashon lo sigui ehersé e tareanan legal di biblioteka na Boneiru, riba enkargo di Entidat Públiko Boneiru.
“E paso aki ta duna nos e espasio pa sigui traha riba un biblioteka prepará pa futuro, ku ta sigui adaptá na e nesesidatnan di nos komunidat,” Jennifer Pocornie-Martis, direktor di Fundashon Biblioteka Públiko di Boneiru, ta bisa. “Nos mishon no ta kambia: biblioteka ta e lugá di enkuentro aksesibel i inspiradó pa kresementu i desaroyo di tur hende. Esaki ta keda e base di tur loke nos ta hasi.”
Pa bishitantenan nada lo kambia. Biblioteka Públiko Boneiru ta sigui ta e lugá konosí i konfiabel kaminda habitantenan di tur edat ta bon biní pa topa otro, desaroyá nan mes i disfrutá di un oferta variá di buki, aktividatnan i programanan. Komo biblioteka di Boneiru, nos ta brasa e diversidat kultural di nos isla. P’esei, nos ta ofresé nos kolekshon i aktividatnan na papiamentu, ingles, spañó i hulandes, pa asina tur hende por sinti nan mes bon biní i por partisipá.
E fundashon ta risibí su supsidio pa e trabounan ku e ta ehersé, pa medio di un kontrato di kuido ku Entidat Públiko Boneiru. For di 1 di ougùstùs 2026, tur empleado lo drenta den servisio di Fundashon Biblioteka Públiko di Boneiru. Ku esaki, e transishon pa e organisashon nobo lo keda ofisialmente kompletá.
Supervishon independiente
Huntu ku establesementu di e fundashon, tambe a nombra un Konseho di Supervishon. E konseho ta supervisá e maneho di forma independiente i ta vigilá pa e biblioteka ehersé su enkargo sosial ku koutela, transparensia i ku bista riba futuro.
Pierre Perigault Monte a keda nombrá komo presidente di e Konseho di Supervishon. E otro miembronan ta Judith Brekelmans, Willemijn Hessels, Esther Meijer-Sedney i Richard Wiegers.
Jennifer Pocornie-Martis ta mira e fase nobo aki ku konfiansa.
“Un biblioteka ta hopi mas ku solamente un lugá kaminda bo por fia buki. E ta un lugá kaminda mucha ta deskubrí nan amor pa lesa, hóbennan ta desaroyá nan talento, adultonan ta ta atkerí konosementu nobo i hende ta topa otro. Ta presisamente p’esei nos ta sigui invertí den un biblioteka ku ta situá den sentro di komunidat i ku tin balor pa tur hende na Boneiru.”
FUENTE: BIBLIOTEKA PÚBLIKO BONEIRU/LIVE99FM
NEDERLAND:
BIBLIOTEKA PÚBLIKO BONEIRU WORDT ZELFSTANDIGE STICHTING EN BLIJFT VERTROUWDE ONTMOETINGSPLEK
Kralendijk,- De Biblioteka Públiko Boneiru heeft zich de afgelopen jaren ontwikkeld tot de maatschappelijke, educatieve en culturele bibliotheek van Bonaire: een toegankelijke plek waar mensen van alle leeftijden elkaar ontmoeten, van én met elkaar leren en nieuwe werelden ontdekken. Met een modern bibliotheekgebouw, een multicultureel en inclusief team en een groeiend aanbod aan activiteiten vervult de bibliotheek een steeds belangrijkere rol binnen de Bonairiaanse samenleving.
Om die maatschappelijke rol ook in de toekomst verder te versterken, gaat de bibliotheek vanaf 1 augustus 2026 verder als de zelfstandige stichting Fundashon Biblioteka Públiko di Boneiru. De stichting blijft de wettelijke bibliotheektaken op Bonaire uitvoeren in opdracht van het Openbaar Lichaam Bonaire.
“Deze stap geeft ons de ruimte om verder te bouwen aan een toekomstbestendige bibliotheek die blijft aansluiten bij de behoeften van onze gemeenschap,” zegt Jennifer Pocornie-Martis, directeur van Fundashon Biblioteka Públiko di Boneiru. “Onze missie verandert niet: de bibliotheek is dé toegankelijke en inspirerende ontmoetingsplek voor groei en ontwikkeling van iedereen. Dat blijft de basis van alles wat we doen.”
Voor bezoekers verandert er niets. De Biblioteka Públiko Boneiru blijft de vertrouwde plek waar inwoners van alle leeftijden welkom zijn om elkaar te ontmoeten, zich te ontwikkelen en te genieten van een veelzijdig aanbod aan boeken, activiteiten en programma’s. Als bibliotheek van Bonaire omarmen wij de culturele diversiteit van ons eiland. Daarom bieden wij onze collectie en activiteiten aan in Papiamentu, Engels, Spaans en Nederlands, zodat iedereen zich welkom voelt en kan deelnemen.
De stichting ontvangt voor haar werkzaamheden subsidie via een zorgcontract met het Openbaar Lichaam Bonaire. Per 1 augustus 2026 treden alle medewerkers in dienst van Fundashon Biblioteka Públiko di Boneiru. Daarmee is de overgang naar de nieuwe organisatie officieel afgerond.
Onafhankelijk toezicht
Met de oprichting van de stichting is ook een Raad van Toezicht benoemd. De raad houdt onafhankelijk toezicht op het bestuur en ziet erop toe dat de maatschappelijke opdracht van de bibliotheek zorgvuldig, transparant en toekomstbestendig wordt uitgevoerd.
Pierre Perigault Monte is benoemd tot voorzitter van de Raad van Toezicht. De overige leden zijn Judith Brekelmans, Willemijn Hessels, Esther Meijer-Sedney en Richard Wiegers.
Jennifer Pocornie-Martis kijkt met vertrouwen uit naar deze nieuwe fase.
“Een bibliotheek is veel meer dan een plek waar je boeken leent. Het is een plek waar kinderen hun liefde voor lezen ontdekken, waar jongeren hun talenten ontwikkelen, waar volwassenen nieuwe kennis opdoen en waar mensen elkaar ontmoeten. Juist daarom blijven we investeren in een bibliotheek die midden in de samenleving staat en van betekenis is voor iedereen op Bonaire.”
GIPHY App Key not set. Please check settings