PASADO KU ATAKE BRUTAL Y INFUNDÁ  KONTRA FUTURO.

Kralendijk,- E siman ku a pasa a habri ku e notisia di retiro boluntario di un miembro di Kolegio Ehekutivo. Relashoná ku esaki, nos por a mira un ola di atake brutal y infundá kontra Union Patriótiko Boneriano Y su Lider polítiko interimo, Jolinda Craane. E atakenan aki ta karakterisá individuo, pensamentu y akshon, sali for di un realidat politiko negativo y destruktivo similar na e realidat politiko di 40 of 50 aña pasa. Nos ta yama e situashon aki pasado.

Nos sa kon pasado ta funkshona. Pasado no ta gusta laga bai, pasobra laga bai lo nifiká ku e la pèrdè su mes y ku pasado lo pasa pa ta historia. Pasado lo bringa, sapatia, forma of asosiá ku otro organisashon y te asta forma aliansa ku e triángulo mediatiko pa instiga Presente kontra FUTURO. E mente di Pasado ta unu destruktivo. Mester kibra FUTURO prome ku pueblo mira y eksperensha su rayonan positivo y prometedor, pasobra esaki lo nifiká ku Pasado realmente a pasa pa ser historia.

E atakenan di Pasado riba FUTURO ta infundá. Pasado tabata asina desesperá pa ataka, ku e no a tuma tempu pa investigá kiko realmente a kondusí na retiro Boluntario di e miembro di Kolegio Ehekutivo. Tempu y momentu lo mustra e bèrdat. Pero Pasado lo no por retifika mas pasobra ya e ta Pasado.

Sea pasado ke of laga, Jolinda Craane, lider polítiko interimo di Union Patriótiko Boneriano ta futuro di politika y gobernashon di Boneiru. Un futuro prometedor basa riba un Boneiru ku un nivel di bida elevá, un Boneiru balansa kaminda tin espasio pa tur nashonalidat, -pero ku un enfoke riba nos identidat komo Boneriano- por biba felis den union y prosperá. Ami a skohe pa no keda pega den pasado pero sostené FUTURO ku palabra, mente y akshon. Ami komo miembro di Union Patriótiko Boneriano, a skohe pa sostené e persona ku lo bai ta e prome dama na timon di politika y gobernashon di Boneiru. Ami a skohe pa FUTURO.

FUENTE: JEFFREY LEVENSTONE