NIVEL GUBERNAMENTAL DEFISIENTE.

Kralendijk,- Deliberá, dialogá, diskutí òf opiná tokante retiru di diputado Statia ta mas bien tira lodo riba Jolinda Craane i UPB sin konosé kon e sistema di manehá Entidat Públiko Bonaire ta.

E punto ku ami ke diskutí ta e agènda di maneho di Frakshon Serberie, UPB i MPB. Ta trata di norma pa mandatarionan i ta base pa stabilidat tantu den Konseho Insular komo Kolegio Ehekutivo i krea espektativa serka siudadanonan.  

Wolbes i Finbes a krea asina tantu regla i norma ku ta stroba maneho di OLB pa realisá espektativa kreá serka siudadanonan.

E problema ta e frikshon entre ehekushon realisabel i ehekushon di e maneho. Joselito i Jolinda,dos profeshonal i eks diputado, sin wak nan koló polítiko, a eksperensiá ku e nivel ku ta konsistí di  mènedjer, konsehero, ámtenar, hefe di servisio, profeshonal, servisio di komunikashon i finansa ta e problema pa un diputado pa motibu ku ehekushon ta manera un stropi diki.

Partidonan di koalishon ke mira resultado konkreto den e periodo kòrtiku di seis pa shete luna promé ku temporada di elekshon.

Esaki ta trese frikshon den ehekushon di palabrashonnan i diputado Statia na sierto momentu mester responsabilisá pa konsekuensia di e frikshon i ta yega na e desishon korekto pa tuma retiru.

Awor e diputado nobo mester, sea partido i pueblo ke si òf nò,   restrukturá e nivel gubernamental pa e servisionan traha huntu pa yega na esensia di funshonamentu di maneho di e isla i kumpli ku espektativa kreá serka siudadanonan.

FUENTE: ARTHUR SEALY