“NOS ISLA, NOS RESPONSABILIDAT” – GRUPO DI PROYEKTO A ENTREGÁ PLAN DI KLIMA BONEIRU NA KOLEGIO EHEKUTIVO

Kralendijk – Dia 26 di mei último e grupo di proyekto Plan di Klima Boneiru, bou di presidensia di Nolly Oleana, ofisialmente a entregá e Plan di Klima Boneiru na Kolegio Ehekutivo. E plan ta resultado di un trayekto intensivo i partisipativo ku a kuminsá dia 1 di ougùstùs 2024 i ku tabatin sosten amplio di nos komunidat boneriano.

‘Nos isla, nos responsabilidat’, asina presidente Nolly Oleana a aksentuá. ‘E plan di klima akí no ta solamente un dokumentu, pero tambe un rumbo konhunto pa futuro di Boneiru. E ta laga nos mira ku nos komunidat ta dispuesto pa yuda pensa, asumí responsabilidat i traha huntu pa logra un isla habitabel pa e generashonnan di futuro.’

Durante e trayekto e grupo di proyekto a traha aktivamente huntu ku habitantenan, empresanan, organisashonnan sosial i instansianan di gobièrnu. Nan a organisá seshonnan di trabou, hiba kòmbersashon den e barionan i ku hóbennan, miéntras kunukeronan i piskadónan tambe a kompartí nan eksperensianan i preokupashonnan. Banda di esaki un enkuesta amplio bou di nos poblashon a sòru pa konosementu balioso ku nan a prosesá direktamente den e plan.

E Plan di Klima a keda realisá ku sosten di Beyonder BV i Matribu BV. Banda di esaki IPDC a formulá e kapítulo teóriko di e plan, kompletamente basá riba input i konosementu ku a keda akumulá durante e seshonnan di trabou i e momentunan di partisipashon ku komunidat boneriano. Ku esaki e plan no ta forma solamente un dokumentu di maneho, pero tambe un refleho di e eksperensianan, e preokupashonnan i e deseonan di nos komunidat mes.

E nesesidat pa sigui dal bai ku e trabou ta grandi awor akí. Esaki pasobra e konsekuensianan di kambio di klima na Boneiru no ta algu di futuro mas, pero awendia ya kaba nos ta sinti esakinan diariamente. Pensa riba temperatura ku ta subiendo, sekura i skarsedat di awa ku ta oumentando, eroshon di kosta i subida di superfisie di laman, nos refnan di koral ku ta keda afektá i ku ta blikia, pèrdida di biodiversidat i e preshon ku ta oumentando riba suministro di kuminda i siguridat di eksistensia. E desaroyonan akí tin impakto direkto riba habitabilidat, ekonomia i salú di nos isla.

Pa e motibu akí e Plan di Klima ta enfoká riba prioridatnan konkreto manera siguridat di awa, protekshon di nos ekosistemanan, desaroyo teritorial sostenibel i siguridat di kuminda. Ku esaki e plan ta konektá estrechamente ku e ambishonnan di Vishon 2050 Boneiru: un Boneiru habitabel, resiliente kontra klima i sostenibel.

Durante un konferensia di trabou den luna di yanüari di e aña akí, kaminda empleadonan públiko di Entidat Públiko Boneiru i representantenan di diferente ministerio hulandes tabata presente, a pone un promé paso konhunto pa un agènda di ehekushon. Esaki ta forma un base importante pa e siguiente fase: di plan pa ehekushon.

Ku énfasis e grupo di proyekto a trese importansia di pasonan direkto di kontinuashon bou di atenshon di Kolegio Ehekutivo. Den nos komunidat ta biba un deseo klarito pa mantené e ‘momentum’ ku a keda realisá i evitá mas retraso. E desafionan ku Boneiru ta konfrontá ta rekerí determinashon, kolaborashon i kontinuidat atministrativo – tantu lokalmente komo for di Hulanda.

Den esaki e grupo di proyekto ta ekspresá e speransa ku Entidat Públiko Boneiru i e ministerionan enbolbí ta sigui invertí konhuntamente den un aserkamentu struktural, di manera ku debidamente por konbertí e rekomendashonnan di e plan di klima den akshon visibel i solushonnan sostenibel pa nos isla.

Banda di esaki, riba término kòrtiku, lo organisá un seshon di fitbèk pa komunidat boneriano. Durante e enkuentro akí lo duna splikashon tokante kontenido di e Plan di Klima i lo informá habitantenan tokante posibel pasonan di kontinuashon i prioridatnan di ehekushon.

E grupo di proyekto ta ekspresá su gran apresio pa tur habitante, organisashon i partner ku a kontribuí na e resultado konhunto akí.

‘Sin enbolbimentu di nos komunidat, nunka nos lo no por a yega na un plan ku tur hende ta karga asina ampliamente,’ segun presidente Nolly Oleana. ‘Netamente e kompromiso kompartí akí ta duna konfiansa ku Boneiru por atendé ku e desafionan di futuro. E plan akí ta un paso importante den direkshon di un Boneiru mas fuerte, mas sostenibel i mas habitabel.’

Ku e Plan di Klima nos tin awor akí un fundeshi sólido pa hasi Boneiru resistente i resiliente pa futuro.

Nos isla, nos responsabilidat.     

FUENTE: OLB/LIVE99FM

NEDERLAND:

“ONS EILAND, ONZE VERANTWOORDELIJKHEID” – KLIMAATPLAN BONAIRE AANGEBODEN AAN BESTUURSCOLLEGE

Kralendijk – De projectgroep Klimaatplan Bonaire, onder voorzitterschap van Nolly Oleana, heeft op 26 mei jl. het Klimaatplan Bonaire officieel aangeboden aan het Bestuurscollege. Het plan is het resultaat van een intensief en participatief traject dat op 1 augustus 2024 van start ging en breed werd gedragen door de Bonairiaanse samenleving.

“Ons Eiland, onze verantwoordelijkheid,” benadrukt voorzitter Nolly Oleana. “Dit klimaatplan is niet alleen een document, maar een gezamenlijke koers voor de toekomst van Bonaire. Het laat zien dat de gemeenschap bereid is mee te denken, verantwoordelijkheid te nemen en samen te werken aan een leefbaar eiland voor volgende generaties.”

Gedurende het traject is actief samengewerkt met inwoners, bedrijven, maatschappelijke organisaties en overheidsinstanties. Er werden werksessies georganiseerd, gesprekken gevoerd in wijken en met jongeren, terwijl ook boeren en vissers hun ervaringen en zorgen deelden. Daarnaast leverde een brede enquête onder de bevolking waardevolle inzichten op die rechtstreeks zijn verwerkt in het plan.

Het Klimaatplan is tot stand gekomen met ondersteuning van Beyonder BV en Matribu BV. Daarnaast heeft IPDC het kennishoofdstuk van het plan opgesteld, volledig gebaseerd op de input en inzichten die tijdens de werksessies en participatiemomenten met de Bonairiaanse gemeenschap zijn verzameld. Hiermee vormt het plan niet alleen een beleidsdocument, maar ook een weerspiegeling van de ervaringen, zorgen en wensen van de gemeenschap zelf.

De noodzaak om nu door te pakken is groot. De gevolgen van klimaatverandering zijn op Bonaire immers niet langer iets van de toekomst, maar worden vandaag al dagelijks gevoeld. Denk aan de stijgende temperaturen, toenemende droogte en watertekorten, kusterosie en zeespiegelstijging, aantasting en verbleking van koraalriffen, verlies van biodiversiteit en de toenemende druk op voedselvoorziening en bestaanszekerheid. Deze ontwikkelingen raken direct aan de leefbaarheid, economie en gezondheid van het eiland.

Het Klimaatplan richt zich daarom op concrete prioriteiten zoals waterzekerheid, bescherming van ecosystemen, duurzame ruimtelijke ontwikkeling en voedselzekerheid. Daarmee sluit het plan nauw aan bij de ambities van Visie 2050 Bonaire: een leefbaar, klimaatbestendig en duurzaam Bonaire.

Tijdens een werkconferentie in januari van dit jaar, waarbij ambtenaren van het Openbaar Lichaam Bonaire en vertegenwoordigers van verschillende Nederlandse ministeries aanwezig waren, werd gezamenlijk een eerste aanzet gegeven voor een uitvoeringsagenda. Deze vormt een belangrijke basis voor de volgende fase: van plan naar uitvoering.

De projectgroep heeft bij het Bestuurscollege nadrukkelijk het belang van directe vervolgstappen onder de aandacht gebracht. Er leeft binnen de gemeenschap een duidelijke wens om het opgebouwde momentum vast te houden en verdere vertraging te voorkomen. De uitdagingen waar Bonaire voor staat vragen om daadkracht, samenwerking en bestuurlijke continuïteit — zowel lokaal als vanuit Nederland.

De projectgroep spreekt daarbij de hoop uit dat het Openbaar Lichaam Bonaire en de betrokken ministeries gezamenlijk blijven investeren in een structurele aanpak, zodat de aanbevelingen uit het klimaatplan daadwerkelijk kunnen worden omgezet in zichtbare acties en duurzame oplossingen voor het eiland.

Daarnaast zal, op kort termijn, een terugkoppelsessie voor de Bonairiaanse gemeenschap worden georganiseerd. Tijdens deze bijeenkomst zal de inhoud van het Klimaatplan nader worden toegelicht en zullen inwoners worden geïnformeerd over mogelijke vervolgstappen en uitvoeringsprioriteiten.

De projectgroep spreekt haar grote waardering uit voor alle inwoners, organisaties en partners die hebben bijgedragen aan dit gezamenlijke resultaat.

“Zonder de betrokkenheid van de gemeenschap hadden wij nooit tot een plan kunnen komen dat zo breed gedragen wordt,” aldus voorzitter Nolly Oleana. “Juist die gezamenlijke inzet geeft vertrouwen dat Bonaire de uitdagingen van de toekomst aankan. Dit plan is een belangrijke stap richting een sterker, duurzamer en meer leefbaar Bonaire.”

Met het Klimaatplan ligt er nu een stevig fundament om Bonaire weerbaar en toekomstbestendig te maken.

Ons Eiland, onze verantwoordelijkheid.