KORSOU: WARDAKOSTA KU EVAKUASHON MÉDIKO NA KLEIN KÒRSOU

Willemstad,- Den ora nan di djamars mainta, di 24 di maart, Sentro Operashonal Marítimo di Wardakosta (MOC) a risibí un yamada for di un boto komersial na Klein Kòrsou pidiendo asistensia médiko. 

Ta trata di un turista hende muhé brasilero di 58 aña di edat ku a leshoná su mes na momento ku e la desloká su rudia. Esaki a pasa ora e señora a purba di drenta un boto tipo “dinghy”. 

Personal di MOC a kontaktá e dòkter di CITRO ku a konstatá ku e persona mester risibí tratamentu médiko na Curaçao Medical Center (CMC) mas lihé ku ta posibel. 

Inmediatamente a alerta personal di e helikòpter di Wardakosta pa sali den direkshon Klein Kòrsou pa asina por hiba e pashènt Hato (Kòrsou).

Personal di ambulans tabata presente  pa transportá e persona pa asina e risibí tratamentu médiko na Curaçao Medical Center (CMC).

FUENTE: WARDAKOSTA/LIVE99FM

NEDERLANDS:

KUSTWACHT MET MEDISCHE EVACUATIE IN KLEIN CURAÇAO

Gedurende de ochtend van dinsdag 24 maart ontving het Maritiem Operationeel Centrum van de Kustwacht (MOC) een melding van een commercieel vaartuig bij Klein Curaçao met het verzoek om medische assistentie.

Het betrof een 58-jarige Braziliaanse toerist die een knieletsel opliep toen zij probeerde in een kleine boot (dinghy) te stappen, waarbij zij haar knie ontwrichtte.

Na overleg met de arts van CITRO werd vastgesteld dat de patiënte zo snel mogelijk medische behandeling nodig had in het Curaçao Medical Center (CMC).

Daarop werd direct het helikopterteam van de Kustwacht ingezet om naar Klein Curaçao te vliegen en de patiënte naar Hato (Curaçao) te vervoeren.

Ter plaatse stond ambulancepersoneel klaar om haar over te brengen naar het Curaçao Medical Center voor verdere behandeling.